തിരുവനന്തപുരം: സംസ്ഥാനത്ത് ഇന്ന് മന്ത്രിസഭാ യോഗം ചേരും. ലോക്ക് ഡൗണ്‍ നീട്ടുമ്ബോള്‍ പ്രഖ്യാപിക്കേണ്ട ഇളവുകളെ കുറിച്ച്‌ മന്ത്രിസഭാ യോഗം തീരുമാനം എടുക്കും. സംസ്ഥാനത്തെ കോവിഡ് പ്രതിരോധ പ്രവര്‍ത്തനങ്ങളുടെ സ്ഥിതി ഗതികളും യോഗത്തില്‍ ചര്‍ച്ചയാവും. നിലവില്‍ കേരളത്തില്‍ രോഗം നിയന്ത്രണ വിധേയമാണെന്നാണ് വിലയിരുത്തലെങ്കിലും ഇളവുകള്‍ ഘട്ടം ഘട്ടമായി മാത്രം അനുവദിക്കാനാണ് സംസ്ഥാന സര്‍ക്കാറിന്‍റെ തീരുമാനം.ലോക്ക് ഡൗണ്‍ നീട്ടുന്നത് സംബന്ധിച്ച്‌ കേന്ദ്ര സര്‍ക്കാറിന്‍റെ കൂടി തീരുമാനം വന്നതിന് ശേഷമാവും കേരളം അന്തിമ നിലപാട് സ്വീകരിക്കുക. തീവ്രബാധിതപ്രദേശങ്ങള്‍ അല്ലാത്ത ജില്ലകളില്‍ നിയന്ത്രണങ്ങളോടെ ഇളവുകള്‍ പ്രഖ്യാപിക്കുന്നത് സര്‍ക്കാര്‍ പരിഗണനയില്‍ ഉണ്ട്. ഇവിടെ കൂടുതല്‍ സര്‍ക്കാര്‍ ഓഫിസുകള്‍ തുറന്നേക്കും. സ്വകാര്യ വാഹനങ്ങള്‍ നിരത്തിലിറക്കാന്‍ കര്‍ശന നിയന്ത്രണങ്ങളോടെ അനുമതി നല്‍കിയേക്കും. പുറത്തിറങ്ങുന്നവര്‍ക്ക് മാസ്ക്ക് നിര്‍ബന്ധമാക്കാനും ആലോചിക്കുന്നുണ്ട്.ലോക്ക് ഡൗണ്‍ നീട്ടുന്നതിനുള്ള പുതിയ മാർഗനിർദേശങ്ങൾ കേന്ദ്രസ‍ര്‍ക്കാ‍‍ര്‍ ഇന്ന് പുറത്തിറക്കിയേക്കും. മാര്‍ച്ച്‌ 24 ന് പ്രഖ്യാപിച്ച ലോക്ക് ഡൗണ്‍ നാളെ അര്‍ധരാത്രിയാണ് അവസാനിക്കുന്നത്.