തിരുവന്തപുരം: തിരുവനന്തപുരം ആര്യനാട് ഹയര്‍ സെക്കന്ററി സ്‌കൂളിലെ പുതിയ മന്ദിരത്തിന്റെ ഉത്ഘാടന ചടങ്ങിനിടെ പൊരിഞ്ഞ തല്ല്.സംഘര്‍ഷത്തില്‍ നിരവധി പേര്‍ക്ക് പരിക്കേറ്റു. മുന്‍ സ്പീക്കര്‍ ജി കാര്‍ത്തികേയന്റെ ആസ്തി വികസന ഫണ്ട് കൊണ്ട് നിര്‍മ്മിച്ച കെട്ടിടത്തിന്റെ ചടങ്ങിലായിരുന്നു സിപിഎം കോണ്‍ഗ്രസ് പ്രവര്‍ത്തകര്‍ തമ്മിൽ ഏറ്റുമുട്ടിയത്.മന്ത്രി കടന്നപ്പള്ളി രാമചന്ദ്രനും എംഎല്‍എ ശബരീനാഥനും വേദിയിലിരിക്കെയാണ് കോണ്‍ഗ്രസ്, സിപിഎം പ്രവര്‍ത്തകര്‍ നേര്‍ക്കുനേര്‍ ഏറ്റുമുട്ടിയത്.പഞ്ചായത്ത് പ്രസിഡന്റ് സ്വാഗതം പറയാന്‍ എഴുന്നേറ്റതോടെയാണ് എതിര്‍പ്പ് തുടങ്ങിയതും ഒടുവില്‍ കൂട്ടത്തല്ലില്‍ കലാശിച്ചതും.ഇതിനെല്ലാം സാക്ഷികളായി ഒന്നുമറിയാതെ സ്‌കൂള്‍ കുട്ടികളും. സ്‌കൂള്‍ കുട്ടികളുടെ മുമ്പില്‍ സംഘര്‍ഷമുണ്ടായതില്‍ എം.എല്‍.എ കുട്ടികളോട് മാപ്പ് ചോദിച്ചു.