കൊച്ചി:ഞായറാഴ്ചകളിലെ സൗജന്യ കോളുകൾ നിർത്തലാക്കാനുള്ള തീരുമാനം ബിഎസ്എൻഎൽ പിൻവലിച്ചു.മൂന്നു മാസത്തേക്ക് കൂടി ഓഫർ ലഭ്യമാകുമെന്ന് അധികൃതർ അറിയിച്ചു.ഞായറഴ്ചകളിൽ ബിഎസ്എൻഎൽ ലാൻഡ് ലൈനുകളിൽ നിന്നും ഏതു നെറ്റ്‌വർക്കിലേക്കും സൗജന്യമായി വിളിക്കുന്നതിനുള്ള ഓഫർ ഫെബ്രുവരി ഒന്ന് മുതൽ നിർത്തലാക്കാനായിരുന്നു ബിഎസ്എൻഎൽ തീരുമാനം.രാത്രികാല സൗജന്യ കോളുകൾ ബിഎസ്എൻഎൽ നേരത്തെ നിർത്തലാക്കിയിരുന്നു. മൊബൈൽ ഫോണുകളുടെ വരവോടെ ലാൻഡ് ഫോണുകൾക്ക് നഷ്ട്ടപ്പെട്ട ജനപ്രീതി വീണ്ടെടുക്കുക എന്ന ലക്ഷ്യത്തോടെ 2016 ലെ സ്വതന്ത്ര ദിനത്തിലാണ് ബിഎസ്എൻഎൽ ഞായറാഴ്ചകളിൽ സൗജന്യ കോൾ പദ്ധതി അവതരിപ്പിച്ചത്.