തലശ്ശേരി: തലശ്ശേരി പൊന്ന്യം കുണ്ടുചിറ കാട്ടില്‍ അടൂട്ട മടപ്പുര ക്ഷേത്രോത്സവ സ്ഥലത്ത് ബോംബെറിഞ്ഞ സംഭവത്തില്‍ പോലീസ് അന്വേഷണം ഊര്‍ജ്ജിതമാക്കി. ബോംബേറില്‍ സിപിഎം പ്രവര്‍ത്തകന്‍ കൃഷ്ണാലയത്തില്‍ കെ സന്തോഷിന് പരിക്കേറ്റിരുന്നു. ഇന്നലെ രാത്രിയോടെയാണ് സംഭവം.
സംഭവത്തില്‍ അഞ്ച് ബി ജെ പി പ്രവര്‍ത്തകര്‍ക്കെതിരെ കതിരൂര്‍ പോലീസ് കേസെടുത്തിട്ടുണ്ട്. സായത്ത്, വിനോദ് തുടങ്ങി അഞ്ച് ബി ജെ പി പ്രവര്‍ത്തകര്‍ക്കെതിരെ വധശ്രമത്തിനാണ് പോലീസ് കേസെടുത്തിട്ടുള്ളത്. മടപ്പുര ക്ഷേത്രത്തില്‍ ഇന്നലെയാണ് തിരുവപ്പന മഹോത്സവത്തിന് തുടക്കം കുറിച്ചത്. 15നാണ് ഉത്സവം സമാപിക്കുക.