കാസര്‍കോട്: പടന്ന എടച്ചാക്കൈയില്‍ കോണ്‍ഗ്രസ് നേതാവിന്റെ വീടിന് നേരെ ബോംബാക്രമണം. കെ.പി.സി.സി നിര്‍വാഹകസമിതി അംഗം പി.കെ ഫൈസലിന്റെ വീടിന് നേര്‍ക്കാണ് ആക്രമികള്‍ ബോംബെറിഞ്ഞത്. ഇന്ന് പുലര്‍ച്ചെയാണ് ആക്രമണം ഉണ്ടായത്. ബോംബേറില്‍ വീടിന്റെ ജനല്‍ചില്ലുകള്‍ തകര്‍ന്നു. ചുമരിനും കേടുപാടു പറ്റിയിട്ടുണ്ട്. ആക്രമണത്തിന് പിന്നില്‍ സി.പി.എം ആണെന്ന് പി.കെ ഫൈസല്‍ ആരോപിച്ചു. എന്നാല്‍ ഒരു ആക്രമണവും നടത്തിയിട്ടില്ലെന്നും ഫൈസലിന്റെ ആരോപണം അടിസ്ഥാനരഹിതമാണെന്നുമാണ് സി.പി.എം പ്രതികരണം.