ഇരിട്ടി:കർണാടകയിൽ നിന്നും രേഖകളില്ലാതെ കേരളത്തിലേക്ക് കടത്തിയ കുഴല്പണവുമായി രണ്ടുപേർ പിടിയിൽ.ഇന്ന് പുലർച്ചെ ഇരിട്ടി പോലീസിന്റെ നേതൃത്വത്തിൽ നടത്തിയ വാഹനപരിശോധനയ്ക്കിടെ കുന്നോത്ത് വെച്ചാണ് ഇവർ പിടിയിലാകുന്നത്.സംഭവത്തിൽ കെ.സി സോണി,മുഹമ്മദ് അൻഷാദ് എന്നിവരെ അറസ്റ്റ് ചെയ്തു.ഇവരിൽ നിന്നും ഒരു കോടി രൂപയാണ് പോലീസ് പിടിച്ചെടുത്തത്.കർണാടകയിൽ നിന്നും കണ്ണൂരിലേക്ക് രണ്ടു ബസ്സുകളിലായിട്ടാണ് ഇവർ വന്നത്.പ്ലാസ്റ്റിക്ക് കവറിലാക്കി ബസ്സിൽ അലക്ഷ്യമായി സൂക്ഷിച്ച നിലയിലായിരുന്നു പണം.ഇവരെ ഇരിട്ടി സ്റ്റേഷനിലെത്തിച്ച് ചോദ്യം ചെയ്തുവരികയാണ്.