കണ്ണൂർ: തലശേരി മേലൂരില്‍ ബിജെപി- സിപിഎം സംഘർഷം.ബിജെപി പ്രവർത്തകന് വെട്ടേറ്റു. തലശ്ശേരി മേലൂരിലെ ധനരാജിനാണ് വെട്ടേറ്റത്.ഗുരുതരമായി പരിക്കേറ്റ ഇയാളെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി. തിങ്കളാഴ്ച രാത്രി പതിനൊന്നു മണിയോടെ സുഹൃത്തിന്റെ വീട്ടില്‍ പോയി മടങ്ങി വരുമ്പോഴായിരുന്നു അക്രമം. വെട്ടേറ്റ് ധനരാജിന്റെ കൈപ്പത്തി അറ്റ് പോവാറായ നിലയിലാണ്.മേലൂരിലെ സിപിഎം പ്രവര്‍ത്തകരായ മഹേഷ്, മനീഷ് എന്നി സിപിഎം പ്രവര്‍ത്തകരുടെ നേതൃത്വത്തിലുള്ള സംഘമാണ് ആക്രമിച്ചതെന്ന് ബിജെപി നേതാക്കള്‍ ആരോപിച്ചു.സംഘര്‍ഷ ബാധിത പ്രദേശത്ത് ധര്‍മ്മടം പോലീസ് ക്യാംപ് ചെയ്യുന്നുണ്ട്.ബിജെപി പ്രവര്‍ത്തകരുടെ പരാതിയില്‍ പോലീസ് കേസെടുത്ത് പ്രതികള്‍ക്കായി അന്വേഷണമാരംഭിച്ചിട്ടുണ്ട്.എന്നാല്‍ ഇരുവിഭാഗം പ്രവര്‍ത്തകര്‍ തമ്മിലുള്ള സംഘര്‍ഷമാണ് അക്രമത്തില്‍ കലാശിച്ചതെന്ന് പൊലിസ് പറഞ്ഞു. മേലുരിലെ സിപിഎം പ്രവര്‍ത്തകന്‍ മനീഷിനും വെട്ടേറ്റിട്ടുണ്ട്. ഇയാള്‍ തലശേരി സഹകരണാശുപത്രിയില്‍ ചികിത്സയിലാണ്.