തലശ്ശേരി: രണ്ടു കിലോ കഞ്ചാവുമായി ബംഗാള്‍ സ്വദേശി പാനൂരിൽ പിടിയില്‍.പശ്ചിമ ബംഗാള്‍ ഹിയാത്ത് നഗറിലെ എസ്.കെ.മിനറുല്‍ (22) ആണ് അറസ്റ്റിലായത്. കൂത്തുപറമ്പ് എക്‌സൈസ് റെയ്ഞ്ച് ഇന്‍സെപക്ടര്‍ കെ.ഷാജിയാണ് ഇയാളെ അറസ്റ്റ് ചെയ്തത്.എക്‌സൈസ് കമ്മിഷണറുടെ ഉത്തര മേഖലാ സ്‌ക്വാഡ് നല്‍കിയ വിവരത്തിന്റെ അടിസ്ഥാനത്തിലായിരുന്നു പരിശോധന. കൂത്തുപറമ്പിൽ കഞ്ചാവ് വില്‍പനക്കായി ഇയാൾ എത്തുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ എക്‌സൈസ് സംഘം നിരീക്ഷണം ശക്തമാക്കിയിരുന്നു. പാനൂരിനടുത്ത് വാടകക്ക് താമസിച്ച്‌ ജില്ലയുടെ വിവിധ ഭാഗങ്ങളില്‍ കഞ്ചാവ് വില്‍പന നടത്തുകയാണ് ഇയാളുടെ രീതിയെന്ന് ഉദ്യോഗസ്ഥര്‍ പറഞ്ഞു.പ്രിവന്റീവ് ഓഫീസര്‍ പി.സി ഷാജി, സിവില്‍ എക്‌സൈസ് ഓഫീസര്‍മാരായ സി.പി. ശ്രീധരന്‍, പ്രജീഷ് കോട്ടായി, കെ.ബി.ജീമോന്‍, പി.ജലീഷ്, പ്രനില്‍ കുമാര്‍, എം.സുബിന്‍, വനിത സിവില്‍ എക്‌സൈസ് ഓഫീസര്‍മാരായ എന്‍. ലിജിന, എം.രമ്യ എക്‌സൈസ് ഡ്രൈവര്‍ ലതീഷ് ചന്ദ്രന്‍ എന്നിവരാണ് എക്‌സൈസ് സംഘത്തിലുണ്ടായിരുന്നത്