തിരുവനന്തപുരം:ഒത്തുകളി വിവാദത്തിൽ മലയാളി ക്രിക്കറ്റ് താരം ശ്രീശാന്തിന് ബിസിസിഐ ഏർപ്പെടുത്തിയ വിലക്ക് പിൻവലിച്ച ഹൈക്കോടതി വിധിക്കെതിരെ ബിസിസിഐ സുപ്രീം കോടതിയെ സമീപിച്ചു.ഹൈക്കോടതി വിധി ചട്ട വിരുദ്ധമാണെന്ന് കാണിച്ചാണ് അപ്പീൽ സമർപ്പിച്ചിരിക്കുന്നത്.ശ്രീശാന്തിനെതിരെ അച്ചടക്ക നടപടി സ്വീകരിച്ചത് വ്യക്തമായ തെളിവുകളുടെ അടിസ്ഥാനത്തിലാണെന്ന് ബിസിസിഐ കോടതിയെ അറിയിച്ചു. തങ്ങൾക്കെതിരെ കോടതി നടത്തിയ പരാമർശം റദ്ദാക്കണമെന്നും ബിസിസിഐ അറിയിച്ചു.അച്ചടക്ക നടപടിയിൽ കോടതിക്ക് ഇടപെടാൻ അധികാരമില്ല.ശിക്ഷയിൽ ഇളവ് വരുത്താനുമാകില്ല.അച്ചടക്ക നടപടി പരിശോധിക്കുന്ന ഘട്ടത്തിൽ കേസുമായി ബന്ധപ്പെട്ട തെളിവുകൾ പരിശോധിക്കുന്നത് ശരിയല്ലെന്നും ബിസിസിഐ സമർപ്പിച്ച ഹർജിയിൽ പറയുന്നു.