തളിപ്പറമ്പ്:കരിമ്പത്തു നിന്നും നിരോധിത പുകയില ഉൽപ്പന്നങ്ങളുടെ വൻ ശേഖരം പിടികൂടി. ഇന്നലെ ഉച്ചയ്ക്ക് കരിമ്പത്തെ വി.കെ സ്റ്റോർ ഉടമ അജീഷിന്റെ വീട്ടിൽ പോലീസും എക്‌സൈസും സംയുക്തമായി നടത്തിയ പരിശോധനയിലാണ് 1500 പാക്കറ്റ്(15 കിലോഗ്രാം) പാൻ ഉൽപ്പന്നങ്ങൾ പിടികൂടിയത്. ബെംഗളൂരുവിൽ നിന്നും ഞായറാഴ്ച രാവിലെയാണ് പുകയില ഉൽപ്പന്നങ്ങൾ കരിമ്പത്തെത്തിച്ചത്.ഇയാളുടെ കടയിൽ ദിനംപ്രതി നിരവധി ആളുകൾ പുകയില ഉൽപ്പന്നങ്ങൾ വാങ്ങാൻ എത്താറുണ്ടെന്ന രഹസ്യവിവരം ലഭിച്ചതിനെ തുടർന്നാണ് പോലീസ് പരിശോധന നടത്തിയത്.