തിരുവനന്തപുരം:യുണൈറ്റഡ് ഫോറം ഓഫ് ബാങ്ക് യൂണിയന്റെ നേതൃത്വത്തിൽ ഇന്ന് അഖിലേന്ത്യാ ബാങ്ക് പണിമുടക്ക്.ഒൻപതു യുണിയനുകളാണ് പണിമുടക്കിൽ പങ്കെടുക്കുന്നത്. ജീവനക്കാരും ഓഫീസർമാരും പണിമുടക്കിൽ പങ്കെടുക്കുന്നതിനാൽ ബാങ്കിങ് സേവനങ്ങൾ പൂർണ്ണമായും തടസ്സപ്പെടാനിടയുണ്ട്. പത്തു ലക്ഷത്തോളം ജീവനക്കാരാണ് പണിമുടക്കിൽ പങ്കെടുക്കുന്നത്.ചീഫ് ലേബർ കമ്മീഷണറുമായി നടത്തിയ ചർച്ച പരാജയപ്പെട്ടതിനെ തുടർന്ന് പണിമുടക്കുമായി മുന്നോട്ട് പോകാൻ യൂണിയനുകൾ തീരുമാനിക്കുകയായിരുന്നു. ഐസിഐസിഐ ബാങ്ക്,എച്.ഡി.എഫ്.സി ബാങ്ക്,തുടങ്ങിയ സ്വകാര്യ ബാങ്കുകൾ പണിമുടക്കിൽ പങ്കെടുക്കില്ല.എന്നാൽ ചെക്ക് ക്ളിയറൻസിൽ താമസം നേരിടാൻ സാധ്യതയുണ്ട്.