ന്യൂഡൽഹി: കേന്ദ്രസര്ക്കാരിന്റെ സ്വകാര്യവത്കരണ നയത്തിനെതിരെ മാർച്ച് 15,16 തീയതികളിൽ പണിമുടക്കിന് ആഹ്വാനം ചെയ്ത് ബാങ്ക് ജീവനക്കാര്. ഹൈദരാബാദില് ഒന്പത് ബാങ്ക് യൂണിയനുകള് സംയുക്തമായി ചേര്ന്ന യോഗത്തിലാണ് തീരുമാനം.കഴിഞ്ഞാഴ്ച നടന്ന കേന്ദ്ര ബജറ്റില് പൊതുമേഖല ബാങ്കുകളുടെ ഓഹരി വിറ്റഴിക്കുമെന്ന് ധനമന്ത്രി നിര്മ്മല സീതാരാമന് പ്രഖ്യാപിച്ചിരുന്നു. ഇതില് പ്രതിഷേധിച്ചാണ് ബാങ്ക് ജീവനക്കാര് പണിമുടക്ക് നടത്താന് തീരുമാനിച്ചത്. ഐഡിബിഐ ബാങ്കിനെയും രണ്ടു പൊതുമേഖല ബാങ്കുകളെയും സ്വകാര്യവത്കരിക്കുമെന്നായിരുന്നു ബജറ്റ് പ്രഖ്യാപനം.പണിമുടക്കിന് മുന്നോടിയായി ഫെബ്രുവരി 19ന് സംസ്ഥാന തലസ്ഥാനങ്ങളില് ധര്ണ സംഘടിപ്പിക്കും. സംസ്ഥാനം, ജില്ല, നഗരം എന്നിങ്ങനെ കേന്ദ്രീകരിച്ച് ഫെബ്രുവരി 20 മുതല് മാര്ച്ച് 10 വരെ റിലേ ധര്ണ സംഘടിപ്പിക്കാനും യൂണിയനുകള് തീരുമാനിച്ചു.