കല്യാശേരി:ദേശീയപാതയില്‍ ധര്‍മശാലയ്ക്കു സമീപം ഇരുചക്രവാഹനങ്ങള്‍ കൂട്ടിയിടിച്ച്‌ ബാങ്ക് ജീവനക്കാരി മരിച്ചു.എസ്ബിഐ എരിപുരം ശാഖയിലെ ജീവനക്കാരി മാങ്ങാട്ടെ ആരംഭന്‍ സതി (55)യാണ് മരിച്ചത്. സതിയുടെ ബന്ധു കടബേരിയിലെ രാഘവൻ എന്നയാൾക്ക് പരിക്കേറ്റു.ഇന്ന് രാവിലെ ഒന്പതുമണിയോടെയാണ് അപകടം നടന്നത്. മാങ്ങാട്ടെ വീട്ടില്‍നിന്ന് ബന്ധുവിനൊപ്പം സ്കൂട്ടറില്‍ പഴയങ്ങാടിയിലേക്ക് പോകുമ്പോൾ എതിരെവന്ന ബൈക്കില്‍ ഇടിക്കുകയായിരുന്നു. ഗുരുതരമായി പരിക്കേറ്റ ഇരുവരെയും തളിപ്പറമ്പ് സഹകരണ ആശുപത്രിയില്‍ എത്തിച്ചെങ്കിലും സതി മരിച്ചു. കൃഷ്ണന്റെയും ദേവിയുടെയും മകളാണ്. ഭര്‍ത്താവ്: ഇ സത്യന്‍ (റിട്ട. ജില്ലാ ബാങ്ക്). മക്കള്‍: അമല്‍, അതുല്‍ (വിദ്യാര്‍ഥി, കേന്ദ്രീയ വിദ്യാലയം, മാങ്ങാട്ടുപറമ്പ്.