കണ്ണൂർ:കണ്ണൂർ തോട്ടടയിൽ മുലപ്പാൽ തൊണ്ടയിൽ കുടുങ്ങി പിഞ്ചുകുഞ്ഞ് മരിച്ചു.തോട്ടട സമാജ്‌വാദി കോളനിയിലെ സുനിലിന്റേയും ബിപിനയുടെയും രണ്ടുമാസം പ്രായമായ കുഞ്ഞാണ് മരിച്ചത്.ഇന്നലെ രാവിലെയാണ് സംഭവം.കുഞ്ഞിനെ ആദ്യം തോട്ടട ഇഎസ്‌ഐ ആശുപത്രിയിൽ പ്രവേശിപ്പിച്ചെങ്കിലും പിന്നീട് കണ്ണൂർ ആശുപത്രിയിലേക്ക് മാറ്റാൻ ഡോക്റ്റർ നിർദേശിക്കുകയായിരുന്നു.കണ്ണൂരിലെ ആശുപത്രിയിലേക്ക് കൊണ്ടുപോകുന്നതിനായി ഓട്ടോയ്ക്ക് കൈകാണിച്ചെങ്കിലും കണ്ണൂരിലേക്ക് പോകാൻ ഓട്ടോഡ്രൈവർ വിസമ്മതിച്ചതായി പറയുന്നു.പിന്നീട് ബൈക്കിലാണ് കുഞ്ഞിനെ ആശുപത്രിയിൽ എത്തിച്ചത്. അതേസമയം ഒരു ബന്ധുവിനെ ആശുപത്രിയിൽ എത്തിക്കാൻ ഉള്ളതിനാലാണ് കുട്ടിയെ ഓട്ടോയിൽ കയറ്റാതിരുന്നതെന്ന് ഓട്ടോ ഡ്രൈവർ പറഞ്ഞു.