കണ്ണൂർ : മുഖ്യമന്ത്രി പിണറായി വിജയനെ നാളെ മംഗളൂരുവിൽ തടയാനുള്ള സംഘപരിവാർ സംഘടനകൾക് ബി ജെ പി സംസ്ഥാന നേതൃത്വം പിന്തുണ നൽകുന്നു. എല്ലായിടങ്ങളിലും പ്രതിഷേധങ്ങൾ ജനാധിപത്യ പരമായ രീതിയിൽ നടക്കുമെന്നും പ്രതിഷേധം എന്നുള്ളത് ജനാധിപത്യപരമാണെന്നും ബി ജെ പി സംസ്ഥാന സെക്രട്ടറി അഡ്വക്കേറ്റ് ബി ഗോപാലകൃഷ്ണൻ. സംഘ പരിവാർ പ്രസ്ഥാനങ്ങൾക്കെതിരെ സി പി എം അക്രമം തുടർന്നാൽ സംസ്ഥാനത്തിന് പുറത്തു രാജ്യത്തൊരിടത്തും മുഖ്യമന്ത്രിയ്ക് കാലുകുത്താൻ കഴിയില്ലെന്നുള്ള മുന്നറിയിപ്പും അദ്ദേഹം നൽകി. എന്നാൽ നാളത്തെ ഈ പ്രതിഷേധം അനാവശ്യമാണെന്ന് ബി ജെ പി യിലെ തന്നെ ഒരു വിഭാഗം ആക്ഷേപിച്ചിട്ടുമുണ്ട്.