പരിയാരം:കണ്ണൂർ ഗവ.ആയുർവേദ കോളേജ് രജത ജൂബിലി ആഘോഷണങ്ങളുടെ ഭാഗമായി ഒരാഴ്ച നീണ്ടുനിൽക്കുന്ന ആയുർവേദ എക്സ്പോ തുടങ്ങി.മന്ത്രി രാമചന്ദ്രൻ കടന്നപ്പള്ളി എക്സ്പോ ഉൽഘാടനം ചെയ്തു.ആയുർവേദത്തിന്റെ കാണാതലങ്ങളിലേക്ക് പൊതുജനങ്ങളെ എത്തിക്കുക എന്ന ലക്ഷ്യത്തോടെയാണ് എക്സ്പോ സംഘടിപ്പിച്ചിരിക്കുന്നത്.ആയുർവേദ സ്റ്റാളുകൾക്ക് പുറമെ ഫുഡ് സ്റ്റാളുകൾ,സർക്കാർ സ്റ്റാളുകൾ,വാണിജ്യ സ്റ്റാളുകൾ,എന്നിവയും സ്പോയിൽ ഒരുക്കിയിട്ടുണ്ട്.പരിയാരം മെഡിക്കൽ കോളേജ്,ഡെന്റൽ കോളേജ്,സയൻസ് പാർക്ക്,ഫയർ ആൻഡ് സേഫ്റ്റി വിഭാഗം,ആർക്കിയോളജി,കൃഷി വിജ്ഞാന കേന്ദ്രം, ഫോക്ക്ലോർ അക്കാദമി,വൈദ്യരത്നം,സിദ്ധേശ്വര ഫാർമസി,ഔഷധി,കേരളാ പോലീസ്, ശുചിത്വ മിഷൻ,ഹരിത കേരളം,കോട്ടക്കൽ ആര്യവൈദ്യശാല, പറശ്ശിനിക്കടവ് ആയുർവേദ കോളേജ്,കണ്ണൂർ സെൻട്രൽ ജയിൽ തുടങ്ങിയവയുടെ സ്റ്റാളുകളും മേളയിലുണ്ട്.ടി.വി രാജേഷ് എംഎൽഎ,ജില്ലാ പഞ്ചായത്ത് പ്രസിഡന്റ് കെ.വി സുമേഷ്,സി.കൃഷ്ണൻ എംഎൽഎ,പരിയാരം പഞ്ചായത്ത് പ്രസിഡന്റ് എ.രാജേഷ്,കടന്നപ്പള്ളി പഞ്ചായത്ത് പ്രസിഡന്റ് ഇ.പി ബാലകൃഷ്ണൻ, ആയുർവേദ കോളേജ് സൂപ്രണ്ട് ഡോ.ശ്രീജ,പ്രിൻസിപ്പൽ ഡോ.ശോഭന,ടി.വി സുരേഷ്,ഡോ.ഇ.വി സുധീർ എന്നിവർ ചടങ്ങിൽ സന്നിഹിതരായിരുന്നു.