കാസറഗോഡ് : കോവിഡ് 19 നെതിരെ (കൊറോണ) കർമനിരതരായിരിക്കുന്ന പോലീസ് സേനയ്ക്ക് സദാസമയവും സേവനവുമായി കൂടെയുണ്ട് Automobile Technician മാരും Spareparts കച്ചവടക്കാരും.തിരക്കിനിടയിൽ പരിഗണിക്കാതെ വിട്ടുപോകുന്ന ഒന്നാണ് പോലീസ് വാഹനങ്ങൾ.ലോക്ക് ഡൗണിൽ വാഹനങ്ങളുടെ മെയ്ന്റനൻസ് വർക്കുകൾ നടത്തുന്ന കാര്യവും ബുദ്ധിമുട്ടാണ്.തിരക്കിനിടയിൽ ഇതിന് സമയവും കിട്ടില്ല.ഈ പ്രതിസന്ധിഘട്ടത്തിലാണ് Association Of Automobile Workshops Kerala യുടെ പ്രവർത്തനം മികച്ചുനിൽക്കുന്നത്. ഇതിനൊരുദാഹരണമാണ് ഇന്നലെ നടന്ന സംഭവം.കഴിഞ്ഞ ദിവസം ബേക്കൽ പോലീസ് സ്റ്റേഷനിലെ ഒരു വാഹനം എഞ്ചിൻ തകരാർ കാരണം വഴിയിലായി.ലോക്ക് ഡൌൺ പ്രഖ്യാപിച്ച സാഹചര്യത്തിൽ കൊറോണ എന്ന മഹാമാരിക്കെതിരെ രാപ്പകലില്ലാതെ പ്രവർത്തിക്കുന്ന പോലീസ് ടീമിന് ഇത് ഒരു വൻ തിരിച്ചടിയായി. വാഹനം പണിമുടക്കിയപ്പോൾ നിശ്ചലമായ പട്രോളിംഗ് ടീമിന് സഹായവുമായി പാലക്കുന്ന് പള്ളത്തെ Deepak Automobiles ലെ ടെക്‌നീഷ്യന്മാരായ പ്രദീപ്,അബിൻ എന്നിവരെത്തി.രാത്രിയേറെ വൈകി പണിപൂർത്തിയാക്കി വാഹനത്തിന്റെ യന്ത്രത്തകരാർ പരിഹരിച്ച ശേഷമാണ് ഇവർ മടങ്ങിയത്.പണിക്കിടയിൽ സ്പെയർപാർട്സ് കിട്ടാതെ വന്നപ്പോൾ ഉദയഗിരിയിലുള്ള Vinayaka Automobiles, കൂട്ടക്കണ്ണിയിലുള്ള P.S Bearing എന്നിവിടങ്ങളിൽ നിന്നും അവ എത്തിച്ചുനൽകി. കാസർകോഡ് ജില്ലയിൽ ലഭിക്കാതെ വന്ന സ്പെയർപാർട്സുകൾ പയ്യന്നൂരിലെ Best Automobiles നിന്നും എത്തിച്ചുനൽകി. ഇതിന് Association Of Automobile Workshop Kerala യുടെ കാസർകോഡ് ജില്ലാ നേതൃത്വം ഏകോപനം നടത്തി.
കേരളത്തിൽ കോവിഡ് 19 പ്രതിരോധ രംഗത്ത് പ്രവർത്തിക്കുന്ന ആരോഗ്യ പ്രവർത്തകർ, പോലീസ്,മറ്റ് ആവശ്യസർവീസ് എന്നിവരുടെ വാഹനങ്ങൾക്ക് ഈ ലോക്ക് ഡൌൺ കാലത്ത് സർവീസ് നടത്തുന്നതിനായി Association Of Automobile Workshop Kerala യുടെ കീഴിൽ ഓട്ടോമൊബൈൽ രംഗത്ത് പ്രവർത്തിക്കുന്ന ഒരുലക്ഷത്തോളം തൊഴിലാളികൾ സന്നദ്ധരായിട്ടുണ്ട്. ഒരു നാടുമുഴുവൻ കൊറോണ എന്ന മഹാമാരിക്കെതിരെ പോരാടുമ്പോൾ വിശ്രമമില്ലാതെ പ്രയത്നിച്ചുകൊണ്ടിരിക്കുന്ന പോലീസ് സേനയിലെ ബേക്കൽ പോലീസിനെ പ്രതിസന്ധിഘട്ടത്തിൽ സഹായിക്കാൻ മുന്നിട്ടിറങ്ങിയ കാസർകോഡ് ജില്ലയിലെ Workshop ജീവനക്കാർക്കും Spareparts ഷോപ്പുകൾക്കും Association Of Automobile Workshop Kerala യുടെ കാസർകോഡ് ജില്ലാനേതൃത്വത്തിനും ബേക്കൽ പോലീസ് പ്രത്യേകം നന്ദിയറിയിച്ചു.