കണ്ണൂർ: മാരക ലഹരിമരുന്നായ എം.ഡി.എം.എയുമായി ഇരിക്കൂറിൽ ഓട്ടോഡ്രൈവര്‍ പിടിയില്‍.പെരുവളത്തുപറമ്പിലെ എം. റിയാസിനെയാണ് (29) ഇരിക്കൂര്‍ പൊലീസ് അറസ്റ്റു ചെയ്തത്. ഇയാളില്‍ നിന്ന് 300 മില്ലിഗ്രാം എം.ഡി.എം.എ പിടിച്ചെടുത്തു.നാട്ടുകാര്‍ നല്‍കിയ രഹസ്യ വിവരത്തെ തുടര്‍ന്ന് പോലീസ് സിദ്ദീഖ് നഗറില്‍ ഇയാളുടെ ബൈക്ക് തടയുകയും പേഴ്സിൽ സൂക്ഷിച്ച ലഹരി മരുന്ന് പിടികൂടുകയുമായിരുന്നു. ബംഗളൂരുവില്‍ നിന്നാണ് എം.ഡി.എം.എ ലഭിച്ചതെന്ന് ചോദ്യം ചെയ്യലില്‍ ഇയാള്‍ പൊലീസിനോട് പറഞ്ഞു.