തിരുവനന്തപുരം:സംസ്ഥാനത്തെ പെട്രോൾ പമ്പുകളിൽ സമരം തുടങ്ങി.പെട്രോൾ പമ്പുകളിൽ നടക്കുന്ന അതിക്രമങ്ങൾക്ക് എതിരെ സർക്കാർ ഇടപെടണമെന്ന് ആവശ്യപ്പെട്ടാണ് സമരം.ഓൾ കേരള ഫെഡറേഷൻ ഓഫ് പെട്രോളിയം ഡീലേഴ്‌സ് ആണ് സമരത്തിന് ആഹ്വാനം നൽകിയിരിക്കുന്നത്. രാവിലെ ആറുമണി മുതൽ ഉച്ചയ്ക്ക് ഒരുമണി വരെയാണ് സമരം.എന്നാൽ പെട്രോൾ പമ്പ് ഉടമകൾ ഇന്ന് നടത്തുന്ന സമരത്തിൽ കണ്ണൂർ,മലപ്പുറം ജില്ലകളിലെ പമ്പുകൾ പങ്കെടുക്കില്ലെന്ന് ജില്ലാ പെട്രോളിയം ഡീലേഴ്‌സ് അസോസിയേഷൻ നേരത്തെ വ്യക്തമാക്കിയിരുന്നു.പരീക്ഷാകാലം,ഏപ്രിൽ രണ്ടാം തീയതി ആഹ്വാനം ചെയ്തിട്ടുള്ള പൊതു പണിമുടക്ക് തുടങ്ങിയ കാര്യങ്ങൾ കണക്കിലെടുത്താണ് സമരത്തിൽ നിന്നും വിട്ടു നിൽക്കുന്നതെന്ന് അസോസിയേഷൻ ജനറൽ സെക്രെട്ടറി പറഞ്ഞു.
