കൊച്ചി: വാരാപ്പുഴ ശ്രീജിത്തിന്റെ കസ്റ്റഡി മരണവുമായി ബന്ധപ്പെട്ട് മൂന്ന് പൊലീസുകാര്‍ കസ്റ്റഡിയില്‍. ആര്‍ടിഎഫ് അംഗങ്ങളായ ജിതിന്‍, സന്തോഷ്, സുമേഷ് എന്നിവരെയാണ് പ്രത്യേക അന്വേഷണ സംഘം കസ്റ്റഡിയിലെടുത്ത്.ഇവരെ ഉടനെ ചോദ്യം ചെയ്യുമെന്നും ഇന്ന് തന്നെ ഇവരുടെ അറസ്റ്റ് രേഖപ്പെടുത്തുമെന്നും സൂചനയുണ്ട്.സ്പെഷ്യൽ ടാസ്ക് ഫോസിലുള്ളവരാണ് ഇവർ മൂന്നുപേരും.സംഭവത്തില്‍ പറവൂര്‍ എസ് ഐ അടക്കം നാല് പേരെ ഇന്നലെ സസ്പെഷന്‍ഡ് ചെയ്തിരുന്നു. സി.ഐ ക്രിസ്പിന്‍ സാം, വരാപ്പുഴ എസ്.ഐ ജി.എസ്.ദീപക്ക്, ഗ്രേഡ് എ.എസ്.ഐ സുധീര്‍, സിവില്‍ പൊലീസ് ഓഫീസര്‍ സന്തോഷ് കുമാര്‍ എന്നിവരെയാണ് സസ്പെന്‍ഡ് ചെയ്തത്.കളമശ്ശേരി എ ആർ ക്യാമ്പിലെ മൂന്നു പൊലീസുകാരെ നേരത്തെ അന്വേഷണ വിധേയമായി സസ്പെൻഡ് ചെയ്തിരുന്നു. മോശം പെരുമാറ്റം,കൃത്യനിർവഹണത്തിലെ വീഴ്ച എന്നിവ ചൂണ്ടിക്കാട്ടിയാണ് ഡിജിപി യുടെ നിർദേശ പ്രകാരം ഇവരെ സസ്പെൻഡ് ചെയ്തത്. ശ്രീജിത്തിന്റെ വീട് സന്ദർശിച്ച മനുഷ്യാവകാശ കമ്മീഷ ആക്ടിങ് ചെയർമാൻ പി.മോഹൻദാസും ഉദ്യോഗസ്ഥർക്കെതിരെ നടപടിയെടുക്കണമെന്ന് ആവശ്യപ്പെട്ടിരുന്നു. അതേസമയം ഇപ്പോൾ കസ്റ്റഡിയിൽ എടുത്തിരിക്കുന്നവർക്ക് ശ്രീജിത്തിന്റെ മരണത്തിൽ പങ്കില്ലെന്നും ശ്രീജിത്തിനെ ഇവർ കസ്റ്റഡിയിൽ എടുത്ത ശേഷം മറ്റൊരു പോലീസ് സംഘത്തിന് കൈമാറുകയാണ് ചെയ്തതെന്നും ബന്ധുക്കളും സുഹൃത്തുക്കളും പറഞ്ഞു.
