തിരുവനന്തപുരം: മോട്ടോര് വാഹന ഭേദഗതി നിയമം പിന്വലിക്കണമെന്നതടക്കമുള്ള ആവശ്യങ്ങള് ഉന്നയിച്ച് അഖിലേന്ത്യാമോട്ടോര് ട്രാന്സ്പോര്ട്ട് ഓര്ഗനൈസേഷന്റെ നേതൃത്വത്തില് നടത്തുന്ന 24 മണിക്കൂര് വാഹനപണിമുടക്ക് പുരോഗമിക്കുന്നു. തൊഴിലാളികളും ഉടമകളും സമരത്തില് പങ്കെടുക്കുന്നുണ്ട്. ഓട്ടോ, ടാക്സി, ചരക്കു വാഹനങ്ങള്, സ്വകാര്യ ബസ് തുടങ്ങി പൊതുഗതാഗത ചരക്കുകടത്തു വാഹനങ്ങള് ഒന്നാകെ സമരത്തിന് ഐക്യദാര്ഡ്യം പ്രഖ്യാപിച്ചിട്ടുണ്ട്. എംഡി ടോമിന് ജെ തച്ചങ്കരിയുടെ പരിഷ്കരണ നടപടികളില് പ്രതിഷേധിച്ച് കെഎസ്ആര്ടിസിയിലെ സംയുക്ത തൊഴിലാളി സംഘടനകളും പണിമുടക്കുന്നുണ്ട്.കേന്ദ്രസര്ക്കാരിന്റെ നിര്ദ്ദിഷ്ട മോട്ടോര് വാഹന നിയമ ഭേദഗതി നിയമം പിന്വലിക്കുക, ഇന്ഷുറന്സ് പ്രീമിയം വര്ധനവ് പുനപരിശോധിക്കുക, പെട്രോളിയം ഉത്പ്പന്നങ്ങളുടെ വിലക്കയറ്റം നിയന്ത്രിക്കുക തുടങ്ങിയ ആവശ്യങ്ങളുന്നയിച്ചാണ് സംയുക്ത സമരസമിതി പണിമുടക്ക് നടത്തുന്നത്. ബിഎംഎസ് ഒഴികെയുള്ള മറ്റ് തൊഴിലാളി സംഘടനകളെല്ലാം പണിമുടക്കില് പങ്കെടുക്കുന്നുണ്ട്. എംഡി ടോമിന് ജെ തച്ചങ്കരിയുടെ പരിഷ്കരണ നടപടികളില് പ്രതിഷേധിച്ചാണ് കെഎസ്ആര്ടിസിയില് തൊഴിലാളി സംഘടനകള് പണിമുടക്ക് നടത്തുന്നത്. വാടകയ്ക്ക് ബസ് എടുത്ത് സര്വീസ് നടത്താനുള്ള തീരുമാനം, ഷെഡ്യൂള് പരിഷ്കാരം, ഡ്യൂട്ടി പരിഷ്കരണം തുടങ്ങിയ നടപടികള് പിന്വലിക്കണമെന്നാണ് ഇവരുടെ ആവശ്യം.
