ശബരിമല:പോലീസ് അനുമതി നൽകിയതിനെ തുടർന്ന് ട്രാൻസ്ജെൻഡറുകൾ അയ്യനെ കാണാൻ സന്നിധാനത്തെത്തി.രഞ്ജു, അനന്യ, അവന്തിക, തൃപ്തി ഷെട്ടി എന്നിവരാണ് ഇന്ന് രാവിലെ മല ചവിട്ടിയത്.നേരത്തേ ശബരിമല ദര്ശനത്തിന് പുറപ്പെട്ട ഇവരെ എരുമേലി പോലീസ് തടഞ്ഞിരുന്നു.എന്നാൽ ട്രാന്സ് ജെന്ഡറുകള്ക്ക് ശബരിമലയില് എത്തുന്നതിന് തടസങ്ങള് ഒന്നും തന്നെയില്ലെന്ന് തന്ത്രിയും പന്തളം കുടുംബാംഗങ്ങളും വ്യക്തമാക്കിയിരുന്നു.ഇതേ തുടർന്നാണ് പോലീസ് ശബരിമല ദർശനത്തിന് ഇവർക്ക് അനുമതി നൽകിയത്.തങ്ങള് ദര്ശനം നടത്തുന്നതില് ആരും ഇതുവരെ എതിര്പ്പ് ഉന്നയിച്ചിട്ടില്ലെന്ന് ട്രാൻസ്ജെൻഡറുകൾ പറഞ്ഞു.ഹൈക്കോടതി നിയോഗിച്ച നിരീക്ഷണസമിതി അംഗം ഡി.ജി.പി എ.ഹേമചന്ദ്രനുമായി ഇവര് കൂടിക്കാഴ്ച നടത്തിയിരുന്നു.ഇന്നലെ ഐ.ജി മനോജ് എബ്രഹാമുമായും ഇവര് കൂടിക്കാഴ്ച നടത്തിയിരുന്നു.
