അരൂർ: ഇടതുകോട്ട തകർത്ത് അരൂരില്‍ ഷാനിമോൾ ഉസ്മാന് അട്ടിമറി ജയം.രണ്ടായിരത്തിലേറെ വോട്ടുകളുമായാണ് ഷാനിമോള്‍ അരൂര്‍ പിടിച്ചെടുത്തിരിക്കുന്നത്. ആദ്യഘട്ടം മുതല്‍ ലീഡ് നില ഏറിയും കുറഞ്ഞുമായിരുന്നു ഷാനിമോളുടെ മുന്നേറ്റം. 2016 ല്‍ 38,519 വോട്ടുകളുടെ ഭൂരിപക്ഷത്തില്‍ ആരിഫ് വിജയിച്ച മണ്ഡലമാണ് അരൂര്‍. 13 വര്‍ഷത്തിന് ശേഷമാണ് യു.ഡി.എഫ് അരൂര്‍ പിടിച്ചെടുത്തിരിക്കുന്നത്.ഫോട്ടോ ഫിനിഷിന് ഒടുവില്‍ അരൂരിലെ ഇടതുകോട്ട തകര്‍ക്കാന്‍ കഴിഞ്ഞത് ദൈവ നിയോഗമെന്നായിരുന്നു ഷാനിമോളുടെ ആദ്യ പ്രതികരണം. നേതാക്കളുടെയും പ്രവര്‍ത്തകരുടെയും ചിട്ടയായ പ്രവര്‍ത്തനത്തിന്റെ ഫലമാണ് ഈ മിന്നുന്ന വിജയം.നിയമസഭയിലേയ്ക്ക ഇത് മൂന്നാം തവണയാണ് ഷാനിമോള്‍ മത്സരിക്കുന്നത്. 2006 ല്‍ പെരുമ്ബാവൂരും 2016 ഒറ്റപ്പാലത്തും ഷാനിമോള്‍ തോറ്റിരുന്നു. 2019 ലെ ലോകസഭാ തെരഞ്ഞെടുപ്പില്‍ ആലപ്പുഴയിലും ഷാനിമോള്‍ തോറ്റിരുന്നു.
