തിരുവനന്തപുരം:നടനും എഴുത്തുകാരനുമായ മാടമ്പ് കുഞ്ഞുകുട്ടൻ(81) അന്തരിച്ചു.കൊറോണ ബാധയെ തുടർന്ന് തൃശ്ശൂരിൽ ചികിത്സയിലായിരുന്നു.ഭാര്യ പരേതയായ സാവിത്രി അന്തര്‍ജനം. മക്കള്‍: ഹസീന, ജസീന. 1941 ല്‍ കിരാലൂര്‍ മാടമ്ബ് മനയില്‍ ശങ്കരന്‍ നമ്ബൂതിരിയുടേയും സാവിത്രി അന്തര്‍ജ്ജനത്തിന്റേയും മകനായാണ് ജനനം. കരുണം, പരിണാമം എന്നീ സിനിമകൾക്ക് തിരക്കഥ എഴുതി.ഭ്രഷ്ട്, അശ്വത്ഥാമാ, മഹാപ്രസ്ഥാനം, ഓം ശാന്തി ശാന്തി ശാന്തി, അഭിവാദയേ, അവിഘ്‌നമസ്തു, ആര്യാവര്‍ത്തം, അമൃതസ്യപുത്ര, ഗുരുഭാവം, പൂര്‍ണമിദം, എന്തരോ മഹാനുഭാവലു, വാസുദേവകിണി, എന്റെ തോന്ന്യാസങ്ങള്‍ തുടങ്ങിയവയാണ് പ്രധാന കൃതികള്‍. അമൃതസ്യ പുത്രയും ഗുരുഭാവവും ശ്രീരാമകൃഷ്ണ പരമഹംസരുടെ ജീവിതകഥയാണ്. കേരള സാഹിത്യ അക്കാദമി പുരസ്‌കാരം, സഞ്ജയന്‍ പുരസ്‌കാരം എന്നിവയും നേടിയിട്ടുണ്ട്. 2003ല്‍ പരിണാമത്തിന്റെ തിരക്കഥക്ക് ഇസ്രായേലിലെ അഷ്‌ദോദ് അന്താരാഷ്ട്ര ചലച്ചിത്രോത്സവ പുരസ്‌കാരം ലഭിച്ചു. ജയരാജ് സംവിധാനം ചെയ്ത കരുണം എന്ന സിനിമയുടെ തിരക്കഥയ്ക്ക് 2000 ൽ അദ്ദേഹത്തിന് മികച്ച തിരക്കഥാകൃത്തിനുള്ള ദേശീയ പുരസ്‌കാരം ലഭിച്ചിട്ടുണ്ട്. അഗ്‌നിനക്ഷത്രം, കാറ്റുവന്നു വിളിച്ചപ്പോൾ, കരുണം, അഗ്‌നിസാക്ഷി, ചിത്രശലഭം, ദേശാടനം, ആറാംതമ്പുരാൻ തുടങ്ങി പത്തോളം സിനിമകളിലും അദ്ദേഹം അഭിനയിച്ചിട്ടുണ്ട്. 2001 ൽ ബി.ജെ.പി. സ്ഥാനാർത്ഥിയായി കൊടുങ്ങല്ലൂർ മണ്ഡലത്തിൽ നിന്ന് മത്സരിച്ചിരുന്നു.
