ന്യൂഡൽഹി:ഓയൽ കമ്പനികളുടെ ദ്വൈവാര വില വിലയിരുത്തലിന്റെ അടിസ്ഥാനത്തിൽ പെട്രോളിന് ലിറ്ററിന് 13 പൈസയും കൂടി, ഡീസലിന് ലിറ്ററിന് 12 പൈസയും കുറഞ്ഞു. അതാത് സംസ്ഥാനങ്ങളിലെ വിൽപ്പന നികുതി കുടി ഇതോടൊപ്പം ചേർക്കും.
പുതിയ വില ഡിസംബർ 1 മുതൽ നിലവിൽ വരും. അവസാനമായി വിലയിൽ മാറ്റം വരുത്തിയത് നവംബർ 15 അർദ്ധ രാത്രിയിലാണ്.
ന്യൂഡൽഹി:എല്ലാ തീയറ്ററുകളിലും ചലച്ചിത്രം തുടങ്ങുന്നതിനു മുൻപ് ദേശീയ ഗാനവും കൂടെ ദേശീയ പതാകയും കാണിക്കണമെന്ന് ഇന്ത്യൻ സുപ്രീം കോടതി.
ബുധനാഴ്‌ച്ചയാണ് സുപ്രീം കോടതി ഈ നിർദേശം മുഞ്ഞോട്ട് വെച്ചത്.ദേശീയഗാനം പാടുന്നതിനൊപ്പം ദേശീയ പതാക സ്‌ക്രീനിൽ കാണിക്കണം.ഇന്ത്യയിലുള്ള എല്ലാ തീയറ്ററുകൾക്കും ഇത് ബാധകമാണ്.
തീയറ്ററുകളിൽ എത്തുന്ന ഓരോരുത്തരും ഇതിനെ ബഹുമാനിക്കണം.
പബ്ലിക് ഇന്റെറസ്റ്റ് ലിറ്റിഗേഷന്റെ അഭിപ്രായം നോക്കുകയായിരുന്നു സുപ്രീം കോടതി.
തിരുവനന്തപുരം:സഹകരണ മേഖലയുടെ പ്രശ്നങ്ങൾ പരിഹരിക്കാൻ ഇന്ന് മുഖ്യമന്ത്രി പിണറായി വിജയൻറെ നേതൃത്വത്തിൽ ഉന്നത തല യോഗം ചേരാൻ തീരുമാനം.
സംസ്ഥാന ജില്ലാ സഹകരണ ബാങ്കുകളുടെ പ്രതിനിധികളും സഹകരണ മന്ത്രി കടകംപള്ളി സുരേന്ദ്രനും ചർച്ചയിൽ പങ്കെടുക്കും.രാവിലെ 11 മണിക്ക് കോബാങ്ക് ടവറിൽ വെച്ചാണ് ചർച്ച നടത്തുന്നത്.
നിയമസഭാ പ്രമേയം പാസ്സാക്കിയിട്ടും ഹർത്താൽ നടത്തിയിട്ടുമൊന്നും ഫലം ഇല്ലാത്ത സാഹചര്യത്തിലാണ് ചർച്ച നടത്താൻ തീരുമാനിച്ചത്.
വാഷിംഗ്‌ടൺ:രണ്ടാമത്തെ ഇന്ത്യ-അമേരിക്ക വനിതയെ അമേരിക്കയുടെ അഡ്മിനിസ്ട്രേറ്റർ പോസ്റ്റിലേക്ക് ട്രംപ് തിരഞ്ഞെടുത്തു.
ഹെൽത്ത്കെയർ ഡിപ്പാർട്മെന്റിൽ ഫിനാൻഷ്യൽ ചാർജാണ്‌ സീമ വർമെയ്‌ക്ക് കിട്ടുക.കോൺഗ്രെസ്സ്മാൻ ടോം പ്രൈസിനെ അദ്ദേഹത്തിന്റെ ഹെൽത്ത്&ഹ്യൂമൻ സർവീസ് സെക്രട്ടറി ആക്കിയതിനു പിന്നാലെയാണ് ഈ നിർദേശം.
‘ഡ്രീം ടീം’ എന്ന് ട്രംപ് ഇതിനെ വിശേഷിപ്പിച്ചു.ഇവർ ചേർന്ന് ഹെൽത്ത് ഡിപ്പാർട്മന്റ് ഉയർച്ചയിൽ എത്തിക്കും എന്ന് അദ്ദേഹം പറഞ്ഞു.
ശ്രീനഗർ:നെഗ്രോട്ടയിലുള്ള പട്ടാള ക്യാമ്പിന് നേരെയുള്ള വൻ ആയുധധാരികളായ ഭീകരരുടെ ആക്രമണത്തിൽ ഒരു മേജർ ഉൾപ്പെടെ ഏഴു പട്ടാളക്കാർ കൊല്ലപ്പെട്ടു.
ചൊവ്വാഴ്ച്ച രാവിലെ തുടങ്ങിയതായിരുന്നു ആക്രമണം.പൊലീസ് വേഷത്തിൽ എത്തിയ ഭീകരരാണ് പട്ടാള ക്യാമ്പ് ആക്രമിച്ചത്.എട്ടു ജവാന്മാർക്ക് പരിക്കേറ്റിട്ടുണ്ട്.
ആറ് ഭീകരവാദികളെ പട്ടാളക്കാർ വകവരുത്തി.ജമ്മുവിൽ നിന്നും 3 കി.മീ അകലെ നെഗ്രോട്ടയിൽ തമ്പടിച്ച സൈനികർക്ക് നേരെയാണ് ആക്രമണം നടന്നത്.
ആലപ്പുഴ:പാമ്പുപിടിയിൽ പ്രശസ്തി കേട്ട വാവ സുരേഷിന് പാമ്പു കടിയേറ്റു.തന്റെ ഫേസ്ബുക്കിലൂടെയാണ് അദ്ദേഹം ഇക്കാര്യം അറിയിച്ചത്.
ഇങ്ങനെ പോസ്റ്റ് ചെയ്യാൻ ഉള്ള കാരണം രണ്ടു ദിവസമായി നിലക്കാത്ത കാൾ ആണെന്നും അദ്ദേഹം പറഞ്ഞിട്ടുണ്ട്.ദയവു ചെയ്തു അത്യാവശ്യത്തിനല്ലാതെ സുഖ വിവരം ചോദിച്ചു ആരും കാൾ ചെയ്യരുത്.
എന്റെ സേവനം ഇനിയും തുടരും.28 വർഷമായി പാമ്പു പിടി തുടരുന്ന വാവ സുരേഷ് പറഞ്ഞു.പാമ്പു പിടിത്തത്തിനിടയിൽ 3000ത്തിലധികം തവണ ഇദ്ദേഹത്തിന് കടിയേറ്റിട്ടുണ്ട്.ആരോടും പാമ്പു പിടിത്തത്തിനു വേണ്ടി അദ്ദേഹം പണം വാങ്ങാറില്ല.
തിരുവനന്തപുരം:തീവ്രനിലപാടുള്ള മാവോയിസ്റ്റുകളെ കീഴടങ്ങാൻ അനുവദിക്കണം എന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ.
നിലമ്പുരിൽ മാവോയിസ്റ്റുകളുമായി നടന്ന ഏറ്റുമുട്ടൽ വ്യാജമാണെന്നാണ് തെറ്റാണു എന്നും കോടിയേരി പറഞ്ഞു.ചർച്ചയ്ക്ക് സർക്കാർ തന്നെ മുൻകൈ എടുക്കേണ്ടതുണ്ട്‌.
സിപിഐ,സിപിഎം ഇത് രണ്ടും രണ്ടു പാർട്ടികളാണ്,അപ്പോൾ അഭിപ്രായങ്ങളും വ്യത്യസ്തമായിരിക്കും.മാവോയിസ്റ്റുകളെ വിഷയത്തിൽ രണ്ടു പാർട്ടിയും രണ്ടു അഭിപ്രായങ്ങൾ പറഞ്ഞത് ചൂണ്ടിക്കാണിച്ചപ്പോൾ അദ്ദേഹം പ്രതികരിക്കുകയായിരുന്നു.
കാളിദാസ് ജയറാമിന് ആരാധികയുടെ ചോര കൊണ്ടെഴുതിയ കത്ത്.ആരാധന മൂത്ത്‌ ഭ്രാന്തായാൽ പെൺകുട്ടികൾ ഇങ്ങിനെയാണ്‌.അങ്ങനെ തന്നെയാണ് ഇവിടെയും.പൂമരം സിനിമയിലെ ഞാനും എന്റാളും പ്രേക്ഷകരിൽ കുളിരുണ്ടാക്കിയിരുന്നു.ഇത് കണ്ടാകാം ഈ പെൺകുട്ടിക്ക് ഇങ്ങനെ ചെയ്യാൻ തോന്നിയത്.
കണ്ണേട്ടാ ലവ് യൂ എന്നാണ് പെൺകുട്ടി ചോര കൊണ്ട് എഴുതിയിരിക്കുന്നെ.ഇത് കാളിദാസ് ഫേസ്ബുക്കിൽ പോസ്റ്റ് ചെയ്യുകയായിരുന്നു.
നിങ്ങൾ എന്നെ സന്തോഷിപ്പിക്കാൻ വേണ്ടിയാണ് ഇങ്ങിനെ ചെയുന്നതെങ്കി അത് വേണ്ട എന്റെ ഫിലിം തീയറ്ററിൽ പോയി കണ്ടാൽ മതി.ഇത്തരം കാര്യങ്ങൾ എനിക്ക് സങ്കടമാണുണ്ടാക്കുക എന്നും ഇനി ഇങ്ങനുള്ള കാര്യങ്ങൾ ചെയ്യരുതെന്നും കാളിദാസ് ഫേസ്ബുക്കിൽ പോസ്റ്റിട്ടിരുന്നു.
മൊഹാലി:മൊഹാലിയിൽ നാലാം ദിവസത്തെ ഇന്ത്യ-ക്രിക്കറ്റ് ടെസ്റ്റിൽ ഇന്ത്യ ഇംഗ്ലണ്ടിനെ 8 വിക്കറ്റിന് പരാജയപ്പെടുത്തി.
ഇതോടെ അഞ്ചു പരമ്പരകൾ അടങ്ങിയ മത്സരത്തിൽ ഇന്ത്യ 2-0 നു മുന്നിലാണ്.
എട്ടു വർഷങ്ങൾക്കു ശേഷം ടെസ്റ്റ് ടീമിലേക്കു തിരിച്ചെത്തിയ പാർഥിവ് പട്ടേലിന്റെ ആക്രമണം ഇംഗ്ലണ്ടിന് ചെറുത്തു നിൽക്കാൻ ആയില്ല.
ഇന്നലെ നടന്ന മൂന്നാം ദിന മത്സരത്തിൽ രവീന്ദ്രജഡേജയും ജയന്ത് യാദവും അർദ്ധ സെഞ്ച്വറി നേടിക്കൊണ്ട് ഇന്ത്യയെ ഉയർന്ന സ്കോറിലേക്കു എത്തിച്ചിരുന്നു.
രവീന്ദ്രജഡേജയും ജയന്ത് യാദവും നാല് വിക്കറ്റ് വീതം നേടി.
കൊളംബിയ:ഫുട്ബോൾ ടീം അടക്കം 72 പേര് യാത്ര ചെയ്തു കൊണ്ടിരുന്ന വിമാനം കൊളംബിയ വെച്ച് തകർന്നു.
പ്രാദേശിക ടൂർണമെന്റിന് വേണ്ടി പോകുന്ന ബ്രസിലിയൻ താരങ്ങൾ ആയിരുന്നു വിമാനത്തിൽ ഉണ്ടായിരുന്നത്.
ബൊളീവിയയിൽ നിന്നും മെഡലിൻസ് ഇന്റർനാഷണൽ എയർപോർട്ടിലേക്കു പോകുകയായിരുന്ന വിമാനം ആണ് തകർന്നത്.