News Desk

ന്യുഡല്‍ഹി: വിമര്‍ശകരുടെ വായടപ്പിച്ച് ഭാര്യയ്‌ക്കൊപ്പമുള്ള ചിത്രം വീണ്ടും പോസ്റ്റ് ചെയ്ത്  ഇന്ത്യന്‍ ക്രിക്കറ്റ് താരം മുഹമ്മദ് ഷമി. കുറച്ച് ദിവസം മുൻപാണ് ഫേസ്ബുക്കിൽ പോസ്‌റ്റ് ചെയ്‌ത ജഹാന്റെ ചിത്രത്തിനെതിരെ ഒരു കൂട്ടം ആളുകൾ വിമർശനവുമായി എത്തിയത്. ഭാര്യയുടെ ഹിജാബ് ധരിക്കാത്ത ചിത്രമാണ് ഷമി പോസ്‌റ്റ് ചെയ്‌തത്. അതായിരുന്നു വിമർശകർ ചൂണ്ടികാട്ടിയ തെറ്റും.

ആരാധകര്‍ക്ക് നവവത്സരാശംസകള്‍  നേർന്നുകൊണ്ടുള്ള ഞായറാഴ്ചത്തെ പോസ്റ്റിലാണ് ഭാര്യ ഹസിന്‍ ജഹാനൊപ്പമുള്ള പ്രണയാര്‍ദ്രമായ ചിത്രം ഷമി വീണ്ടും പോസ്റ്റ് ചെയ്തിരിക്കുന്നത്. തന്റെ ഭാര്യയോടുള്ള സ്‌നേഹവും സൗഹൃദവും പ്രകടിപ്പിച്ചുകൊണ്ടുള്ള വരികളും ചിത്രത്തിനൊപ്പം ഷമി പോസ്റ്റ് ചെയ്തിട്ടുണ്ട്.

എനിക്ക് മറ്റൊരു പങ്കാളിയില്ല, എനിക്കാരുമില്ല, ഞാനും ആരുടേയുമല്ല. എന്നാൽ നിന്നെ കാണുമ്പോൾ സുന്ദരിയായൊരു പങ്കാളി എനിക്കൊപ്പമുണ്ടെന്ന് എനിക്ക് പറയാം. പുതുവത്സരാശംസകൾ എന്നാണ് താരത്തിന്റെ ട്വീറ്റ്.

തനിക്കെതിരെ വിമര്‍ശനമുന്നയിച്ചവര്‍ക്ക് ഷമി മറുപടിയും നല്‍കിയിരുന്നു. മറ്റുള്ളവര്‍ ആഗ്രഹിക്കുന്നതുതന്നെ ലഭിക്കമെന്നില്ല. ഭാര്യയുടെയും മകളുടെയും ചിത്രമാണ് താന്‍ പോസ്റ്റ് ചെയ്തത്. ശരിയും തെറ്റും എന്താണെന്ന് എനിക്കറിയാം, തന്റെ പോസ്റ്റില്‍ ഷമി പറഞ്ഞു.

മുംബൈ: 2016-ൽ ഇന്ത്യയ്ക്ക് വേണ്ടി പാരലിമ്പിക്‌സിൽ സ്വര്‍ണ്ണ മെഡല്‍ നേടിയ മാരിയപ്പന്‍ തങ്കവേലുവിന്റെ ജീവിതം സിനിമാകുന്നു. മാരിയപ്പന്‍ എന്നു പേരിട്ടിരിക്കുന്ന ചിത്രം സംവിധാനം ചെയുന്നത് ഐശ്വര്യ ധനുഷാണ്. ട്വിറ്ററിലൂടെ ഷാരൂഖ് ഖാനാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തു വിട്ടിരിക്കുന്നത്.

റിയോയില്‍ നടന്ന സമ്മര്‍ പാരലിമ്പിക്‌സില്‍ പുരുഷന്മാരുടെ ടി-42 വിഭാഗത്തില്‍ സ്വര്‍ണ്ണ മെഡല്‍ നേടിയ താരമാണ് തമിഴ്‌നാട് സ്വദേശിയായ മാരിയപ്പന്‍ തങ്കവേലു. ചിത്രത്തില്‍ മാരിയപ്പനെ അവതരിപ്പിക്കുന്നത് ആരാണെന്നു ഇതുവരെ പുറത്തു വിട്ടിട്ടില്ല. മാരിയപ്പനായി ധനൂഷ് എത്തിയക്കുമെന്നുള്ള റിപ്പോര്‍ട്ടുകളുമുണ്ട്.സംവിധായകൻ രാജു മുരുഗപ്പൻ മാറിയപ്പനായി വേഷമിടുമെന്നും സൂചനയുണ്ട്.

തമിഴ്‌നാട് സേലം പെരിയവാഡംപട്ടി സ്വദേശിയായ മാരിയപ്പന്‍ അഞ്ചാം വയസ്സില്‍ സ്‌ക്കൂളിലേക്ക് പോകും വഴി അപകടത്തില്‍പ്പെട്ടാണ് വലതു കാല്‍ നഷ്ടമായത്. പിന്നീട് വോളീബോള്‍ കളിക്കാനാരംഭിച്ച മാരിയപ്പന്‍ സ്‌ക്കൂളിലെ കായികാധ്യാപകന്റെ നിര്‍ദ്ദേശത്തെതുടര്‍ന്നാണ് ഹൈജമ്പിലേക്ക് തിരിഞ്ഞത്. കഴിഞ്ഞ മാര്‍ച്ചില്‍ ടൂണിഷ്യയില്‍ വച്ചു നടന്ന ഐ. പി. സി ഗ്രന്‍ഡ് പ്രിക്‌സില്‍ 1.78മീറ്റര്‍ ചാടിയാണ് താരം പാരലിമ്പിക്‌സിനു യോഗ്യത നേടിയത്. റിയോയില്‍ 1.82മീറ്റര്‍ ഉയരം കണ്ടത്താനും മാരിയപ്പനു കഴിഞ്ഞു.