കൊട്ടിയൂർ: കൊട്ടിയൂർ അമ്പായത്തോട് കാട്ടിൽ ആന ഒരാളെ ചവിട്ടി കൊന്നു. അമ്പായത്തോട് പാൽചുരം താഴെ കോളനിയിലെ പയ്യോൻ ഗോപാലൻ(70) എന്നയാളാണ് ആനയുടെ ചവിട്ടേറ്റ് മരിച്ചത്. കൊട്ടിയൂർ വന്യജീവി സങ്കേതത്തിൽ വ്യാഴാഴ്ച വൈകുനേരം 2 മണിയോടെയാണ് നാടിനെ നടുക്കിയ സംഭവം. ഇതിൽ പ്രതിഷേധിച്ഛ് കൊട്ടിയൂർ പഞ്ചായത്തിൽ ഇന്ന് ജനകീയ സമിതി ഹർത്താലിന് ആഹ്വാനം ചെയ്തു.
തിരുവനന്തപുരം: കെ സ് യു നടത്തിയ സെക്രെട്ടറിയേറ്റ് മാർച്ചിനിടെ സംഘർഷം. ലോ അക്കാദമിയിലെ പ്രശ്‌നങ്ങള്‍ പരിഹരിക്കണമെന്ന് ആവശ്യപ്പെട്ട് കെ.എസ്.യു നടത്തിയ സെക്രട്ടേറിയറ്റ് മാര്‍ച്ചിനിടെയാണ് സംഘര്‍ഷം.
കോണ്‍ഗ്രസ് നേതാവ് കെ മുരളീധരന്‍ ലോ അക്കാദമിക്ക് മുന്നില്‍ അനിശ്ചിതകാല നിരാഹാര സമരം തുടങ്ങിയതിന് തൊട്ടുപിന്നാലെ ആയിരുന്നു കെ.എസ്.യു പ്രവര്‍ത്തകരുടെ മാര്‍ച്ച്. സംഭവത്തിൽ പ്രതിഷേധിച്ഛ് കെ.എസ്.യു പ്രവര്‍ത്തകര്‍ എം.ജി റോഡ് ഉപരോധിക്കുകയും വാഹനങ്ങള്‍ തടയുകയും ചെയ്തു.
ടിജു യോഹന്നാന്‍, ശ്രീക്കുട്ടന്‍, ഗോകുല്‍ എന്നിവരാണ് ലാത്തിച്ചാർജിൽ പരിക്കേറ്റവർ. പോലീസ് ബാരിക്കേഡ് ഭേദിക്കാന്‍ കെ.എസ്.യു പ്രവര്‍ത്തകര്‍ ശ്രമിച്ചതോടെ പോലീസ് ലാത്തിവീശി. തുടര്‍ന്നുണ്ടായ സംഘര്‍ഷത്തിലാണ് പ്രവര്‍ത്തകര്‍ക്ക് പരിക്കേറ്റത്. കസ്റ്റഡിയിലെടുത്ത പ്രവര്‍ത്തകരെ പോലീസ് മര്‍ദ്ദിച്ചുവന്നും ആരോപണം ഉണ്ട്.
ന്യൂഡല്‍ഹി: അതിര്‍ത്തിയില്‍ BSF കോൺസ്റ്റബിളായി സേവനം അനുഷ്ഠിക്കുന്ന ജവാന്‍ തേജ് ബഹാദൂര്‍ യാദവ് അതിര്‍ത്തിയില്‍ സൈനികര്‍ അനുഭവിക്കുന്ന ദുരിതം വിവരിച്ചുകൊണ്ട് ഫേസ്ബുക്കിൽ വീഡിയോ പോസ്റ്റ് ചെയ്തതിനു തൊട്ടുപിന്നാലെ അറസ്റ്റിലായെന്നു ഭാര്യയുടെ ആരോപണം. സൈന്യത്തില്‍നിന്ന് സ്വയം വിരമിക്കാന്‍ അദ്ദേഹം നല്‍കിയ അപേക്ഷ അധികൃതര്‍ നിരസിച്ചുവെന്നും ഭാര്യ ആരോപണം ഉന്നയിച്ചു.
കടുത്ത മാനസിക പീഡനമാണ് തന്റെ ഭര്‍ത്താവ് നേരിടുന്നതെന്നും അവധിക്ക് വരാനിരുന്ന ഭർത്താവ് വന്നില്ലെന്നും ഭാര്യ ആരോപിച്ചു. മറ്റാരുടെയോ ഫോൺ വാങ്ങി വിളിച്ച ഭർത്താവ് തനിക് കടുത്ത മാനസികപീഡനവും ഭീഷണിയും നേരിടേണ്ടിവന്നതായി വെളിപ്പെടുത്തിയതായി അദ്ദേഹത്തിന്റെ ഭാര്യ പറഞ്ഞു.
എന്നാല്‍ ആരോപണങ്ങള്‍ ബി.എസ്.എഫ് നിഷേധിക്കുകയും ജവാനെതിരെ അന്വേഷണം മാത്രമേ ഉണ്ടായിട്ടുള്ളുവെന്നും പറയുന്നു. അന്വേഷണത്തിൽ കുറ്റക്കാരനാണെന്നു തെളിഞ്ഞാൽ നടപടി ഉണ്ടാവുമെന്നും ബി.എസ്.എഫ് വൃത്തങ്ങള്‍ എ.എന്‍.ഐ വാര്‍ത്താ ഏജന്‍സിയോട് പറഞ്ഞു.
വാഷിങ്ടണ്‍: ഓസ്‌ട്രേലിയന്‍ പ്രധാനമന്ത്രി മാല്‍ക്കം ടേണ്‍ബുള്ളിനെ അമേരിക്കൻ പ്രസിഡണ്ട് ഡൊണാൾഡ് ട്രംപ് ഫോണില്‍ വിളിച്ച് ശകാരിച്ചതായി റിപ്പോര്‍ട്ട്.ഓസ്‌ട്രേലിയന്‍ തടങ്കലിലുള്ള 1250 കുടിയേറ്റക്കാരെ കൈമാറുന്നതുമായി ബന്ധപ്പെട്ട കരാറില്‍ അമേരിക്കയും ഓസ്‌ട്രേലിയയും നേരത്തെ ഒപ്പുവെച്ചിരുന്നു. ഇക്കാര്യത്തില്‍ തുടര്‍നടപടികള്‍ക്കുള്ള നീക്കങ്ങള്‍. നടത്തിയതാണ് ട്രംപിനെ ദേഷ്യം പിടിപ്പിച്ചത്. ഒരു മണിക്കൂര്‍ നിശ്ചയിച്ച സംഭാഷണം 25മിനുട്ട് കഴിയും മുമ്പ് ട്രംപ് ഫോൺ കട്ട് ചെയ്ത് അവസാനിപ്പിച്ചു എന്നും വാഷിങ്ങ്ടൺ പോസ്റ്റ് റിപ്പോർട്ട് ചെയ്തു.
അമേരിക്കയുമായി അടുത്ത നയതന്ത്ര ബന്ധം പുലര്‍ത്തുന്ന രാജ്യമായ ഓസ്‌ട്രേലിയ ഒബാമയുടെ കാലത്ത് അമേരിക്കയുമായി നിരവധി കരാറുകളിൽ ഒപ്പിട്ടിരുന്നു. താന്‍ ഇന്ന് റഷ്യന്‍ പ്രസിഡന്റ് വ്‌ളാഡിമിര്‍ പുതിനടക്കം നാല് രാഷ്ട്രത്തലവന്‍മാരുമായി സംസാരിച്ചിരുന്നുവെന്നും അതിൽ ഏറ്റവും മോശപ്പെട്ട സംഭാഷണമായിരുന്നു ഇതെന്നും ട്രംപ് പറഞ്ഞു. എന്നാല്‍ ഓസ്‌ട്രേലിയന്‍ പ്രസിഡന്റ് ഇക്കാര്യത്തിൽ പ്രതികരിക്കാന്‍ തയ്യാറായില്ല.
