കൊച്ചി: നടിയെ ആക്രമിച്ച കേസിൽ നിർണായകമായ ചില സി സി ടി വി ദൃശ്യങ്ങൾ പോലീസിന് ലഭിച്ചു. പൾസർ സുനിയും സംഘവും നടി സഞ്ചരിച്ചിരുന്ന കാറിനെ ട്രാവലറിൽ പിന്തുടരുന്ന നിർണായക തെളിവാണ് പോലീസിന് ലഭിച്ചത്. ഈ വാഹനമാണ് നടിയുടെ കാറിൽ ഇടിച്ചത്. വെണ്ണല എന്ന സ്ഥലത്തു പ്രതികൾ വണ്ടി നിർത്തി വെള്ളം വാങ്ങുന്ന ദൃശ്യങ്ങളും പോലീസിന് ലഭിച്ചു. ഇതിനൊപ്പം ഗോശ്രീ പാലത്തിനു സമീപത്തുള്ള ഫ്ളാറ്റുകളിലെ സി സി ടി വി ദൃശ്യങ്ങളും പോലീസ് ശേഖരിച്ചിട്ടുണ്ട് .
പയ്യന്നൂർ : സ്വാതന്ത്ര്യ സമരസേനാനികളെ തടവിൽ പാർപ്പിക്കാൻ ബ്രിട്ടീഷ് പട്ടാളം നിർമിച്ച കണ്ടോന്താറിലെ ജയിലറ പുരാവസ്തു വകുപ്പ് ഏറ്റെടുത്തു സംരക്ഷിക്കാനൊരുങ്ങുന്നു. കണ്ടോന്താർ സ്കൂളിനടുത് റെജിസ്ട്രർ ഓഫിസിനോട് ചേർന്നാണ് ഈ തടവറ സ്ഥിതിചെയുനത്. നൂറോളം വര്ഷങ്ങള്ക്കു മുൻപ് നിർമിച്ച ഈ കെട്ടിടം ‘മാതമംഗലം തടങ്കൽ പാളയം’ എന്നാണ് അറിയപ്പെട്ടിരുന്നത്. നിരവധി സ്വാതന്ത്ര്യ സമര പോരാളികൾ കൊടിയ മർദ്ദന മുറകളേറ്റ് മരണം വരിച്ച തടവറയാണിത്. തടവുകാരെ കെട്ടിയിട്ടു മർദ്ധിച്ചിരുന്ന മുക്കാലി അമ്പതു വര്ഷം മുൻപ് വരെ ഇവിടെ ഉണ്ടായിരുന്നതായി നാട്ടുകാർ പറയുന്നു. മൂന്നുമാസത്തിനുള്ളിൽ പുനർനിർമാണം പൂർത്തിയാക്കാനാണ് പദ്ധതി. ഇതിനായി സംസ്ഥാന പുരാവസ്തു വകുപ്പ് 19 .5 ലക്ഷം രൂപ അനുവദിച്ചിരുന്നു. പുനര്നിര്മാണത്തിനു ചുക്കാൻ പിടിക്കുന്നത് ഈ തടവറ നാട്ടുകാരനായ രാമചന്ദ്രൻ കടന്നപ്പള്ളിയാണ്.
കണ്ണൂർ: പീഡന കേസിൽ അറസ്റ്റിലായ ഫാദർ റോബിൻ വടക്കുംചേരി ഞായറാഴ്ച പള്ളിയിലെ കുര്ബാനയ്ക്കിടെ താൻ കാനഡയിലേക്ക് പോകുകയാണെന്നും തനിക്കു വേണ്ടി പ്രാർത്ഥിക്കണമെന്നും ഇടവകക്കാരോട് പറഞ്ഞതായി റിപ്പോർട്ട്. എന്നാൽ അത് കേസിൽ പെട്ട് മുങ്ങാനുള്ള ശ്രമമാണെന്ന് വിശ്വാസികൾ അറിഞ്ഞിരുന്നില്ല. കാനഡയിലേക്ക് പോകാനുള്ള ശ്രമത്തിനിടെ അങ്കമാലിയിൽ വെച്ചാണ് ഫാദർ റോബിൻ പിടിയിലാവുന്നത്. പെൺകുട്ടികളെ നഴ്സിംഗ് പഠനത്തിനും ജോലിക്കുമായി വിദേശത്തേക്കയക്കുന്നതിനും ഇയാൾ സഹായിച്ചിരുന്നു. പീഡനത്തിനിരയായ പെൺകുട്ടി പഠിക്കുന്ന സ്കൂളിന്റെ മാനേജർ കൂടിയാണ് ഫാദർ റോബിൻ. പുരോഹിതന്റെ തനിനിറം പുറത്തു വന്നതോടെ നാട്ടിൽ ജനരോഷം പുകയുകയാണ്.
കൊച്ചി : നടിയെ തട്ടികൊണ്ട് പോയ കേസിലെ മുഖ്യ പ്രതി സുനിയെയും വിജീഷിനെയും ചോദ്യം ചെയ്യാൻ ഇതുവരെ പോലീസിന് കഴിഞ്ഞിട്ടില്ല. ഇരുവരെയും ശാസ്ത്രീയമായി ചോദ്യം ചെയ്യാൻ അനുമതി ലഭിച്ചിട്ടില്ല. ഇതിനു കാരണം വ്യക്തമല്ല. ഏതായാലും പ്രതികളെ ചോദ്യം ചെയ്യാനാവാത്ത അവസ്ഥയിലാണ് പോലീസുകാർ. ഈ അവസരം പ്രതികൾ നന്നായി മുതലെടുക്കുകയാണ്. പ്രതികളെ പിടികൂടുന്നതിന് മുൻപ് ഉന്നത ഉദ്യോഗസ്ഥർ നൽകിയിരുന്ന പിന്തുണ ഇപ്പോൾ ഇല്ലെന്നും സൂചനയുണ്ട്.
ന്യൂഡൽഹി : രാഷ്‌ട്രപതി പ്രണബ് മുഖർജി നാളെ കേരളം സന്ദർശിക്കുന്നു. കൊച്ചി മുസിരിഫ് ഫൗണ്ടേഷനും കേരള സർക്കാരിന്റെ ടുറിസം വകുപ്പും സംയുക്തമായി സംഘടിപ്പിക്കുന്ന രാജ്യാന്തര സമകാലിക കലാപ്രദര്ശനത്തോടനുബന്ധിച്ചാണ് സന്ദർശനം. കൂടാതെ ആറാമത് കെ എസ് രാജാമണി സ്മാരക പ്രഭാഷണവും അദ്ദേഹം നിർവഹിക്കും. പത്തുലക്ഷത്തിലധികം ആൾക്കാരാണ് ബിനാലെ കാണാൻ എത്തുന്നത്. ഈ കലാമേളയിൽ യു കെ, അമേരിക്ക , ഫ്രാൻസ്, ജർമനി, ശ്രീലങ്ക , പാകിസ്ഥാൻ എന്നിവിടങ്ങളിലെ കലാകാരന്മാർ പങ്കെടുക്കുന്നുണ്ട്.
കൊച്ചി : ഇന്ദിരാഗാന്ധി രാജ്യാന്തര വിമാന താവളത്തിൽ നിന്ന് 234 യാത്രക്കാരുമായി കൊച്ചിയിലേക്ക് പറന്നുയർന്ന വിമാനം സാങ്കേതിക പിഴവിനെ തുടർന്ന് തിരിച്ചിറക്കി. ടേക്ക് ഓഫിന് ശേഷവും ടയറുകൾ തിരികെ നിർദിഷ്ട സ്ഥാനത്തേക്ക് വെക്കാൻ പൈലറ്റ് ശ്രെമിചെങ്കിലും അതിനു സാധിക്കാതെ വന്നതോടെ വിമാനം തിരിച്ചിറക്കുകയായിരുന്നു. രണ്ടു എൻജിനീയർമാരെ അന്വേഷണ വിധേയമായി ജോലിയിൽ നിന്ന് മാറ്റിനിർത്തി. .മറ്റു പരിശോധനയ്ക്കു ശേഷം ഏകദേശം നാലുമണിക്കൂർ വൈകി വിമാനം കൊച്ചിയിലേക്ക് പുറപ്പെട്ടു.
മുംബൈ: മീററ്റിലെ പഞ്ചാബ് നാഷണൽ ബാങ്കിന്റെ ATM ൽ നിന്ന് വീണ്ടും ‘ചിൽഡ്രൻസ് ബാങ്ക് ഓഫ് ഇന്ത്യ’ യുടെ വ്യാജ നോട്ടുകൾ ലഭിച്ചു. ഇതോടെ 2000 രൂപയുടെ നോട്ടിന്റെ സുരക്ഷാ അവകാശങ്ങൾ പ്രഹസനമാകുന്നു. ഒരാഴ്ച മുൻപ് പണം എടുത്ത ആൾക്കും റിസേർവ് ബാങ്ക് ഓഫ് ഇന്ത്യ എന്നതിന് പകരം ചിൽഡ്രൻസ് ബാങ്ക് ഓഫ് ഇന്ത്യ എന്ന് രേഖപ്പെടുത്തിയ വ്യാജ നോട്ടുകൾ ലഭിച്ചിരുന്നു. പരാതിയുടെ അടിസ്ഥാനത്തിൽ ബാങ്ക് അന്വേഷണം ആരംഭിച്ചിട്ടുണ്ട്.
തിരുവനന്തപുരം : ലോ അക്കാദമി സൊസൈറ്റിയുടെ നിയമാവലിയും രെജിസ്ട്രേഷനും അന്വേഷിക്കാൻ മുഖ്യമന്ത്രി അനുമതി നൽകി. ഏറെ നാളായി മുഖ്യമന്ത്രിയുടെ അനുവാദത്തിനായി കാത്തുകിടന്ന ഫയലിനാണ് അനുമതി ലഭിച്ചത്. സർക്കാർ പ്രതിനിധികൾകുടി അംഗങ്ങളായിരുന്ന സൊസൈറ്റിയിൽ നിന്ന് പിന്നീട് അവരെ ഒഴിവാക്കിയത് ഏറെ വിവാദമായിരുന്നു. വിദ്യാഭ്യാസ ആവശ്യങ്ങൾക്കായി നൽകിയ ഭൂമി വാണിജ്യ ആവശ്യങ്ങൾക്കായി ഉപയോഗപെടുത്തിയതും കണ്ടെത്തിയിരുന്നു.
ന്യൂഡൽഹി: സബ്സിടിയോടു കൂടിയ ഗാർഹിക ഗ്യാസ് സിലിണ്ടറിന് 85 .50 രൂപ വർധിപ്പിച്ചു. സബ്‌സിഡി ഇല്ലാത്തതിന് 90 രൂപയും വാണിജ്യ സിലിണ്ടറിന് 148 .50 രൂപയും വർധിപ്പിച്ചു. കേന്ദ്ര സർക്കാരിന്റെ 2017 -18 ലേക്കുള്ള പൊതുബജറ്റ് പ്രഖ്യാപനത്തിനു തൊട്ടുമുമ്പും വില കൂട്ടിയിരുന്നു. അന്ന് സബ്‌സിഡിയില്ലാത്ത സിലിണ്ടറിന് 69 .50 രൂപയും സബ്സിടിയുള്ള സിലിണ്ടറിന് 65 .91 രൂപയും ആയിരുന്നു വർധിപ്പിച്ചത്.
ചെന്നൈ : ഇന്ന് മുതൽ തമിഴ്നാട്ടിൽ കടകളിൽ പെപ്സി, കൊക്കക്കോള ഉത്പന്നങ്ങൾ വിൽക്കില്ല. തമിഴ്നാട് വനികർ കോട്ടമൈപ്പ്‌ പേരവൈ, തമിഴ്നാട് ട്രേഡേഴ്സ് ഫെഡറേഷൻ എന്നീ സംഘടനകളാണ് കൊക്കക്കോള, പെപ്സി ഉത്പന്നങ്ങൾക്കെതിരെ ശക്തമായി രംഗത്തെത്തിയത്. സംഘടനയിൽ അംഗങ്ങളായ വ്യാപാരികളോട് പെപ്സി, കൊക്കക്കോള ഉത്പന്നങ്ങൾ മാർച്ച് ഒന്നുമുതൽ കടകളിൽ വില്പന നടത്തരുതെന്ന് നേരത്തെ ഇവർ നിർദേശം നൽകിയിരുന്നു. ഈ സംഘടനയിൽ പതിനഞ്ചു ലക്ഷം വ്യാപാരികൾ അംഗങ്ങളാണ്.
കടുത്ത വരൾച്ച മൂലം കർഷകർ ദുരിതത്തിൽ കഴിയുമ്പോൾ ജലം ഊറ്റിയെടുത്ത് ശീതളപാനീയങ്ങൾ ഉല്പാദിപ്പിക്കുന്നത് തടയുക എന്ന ലക്‌ഷ്യം കുടി ഇതിനു പിന്നിൽ ഉണ്ട്. മലയാളികളുടെ നേതൃത്വത്തിലുള്ള ചെന്നൈ ചായക്കട ഉടമസ്ഥ സംഘവും ഈ തീരുമാനത്തിന് പൂർണ പിന്തുണ നൽകിയിട്ടുണ്ട്.