News Desk

തിരുവനന്തപുരം : നടിയെ ആക്രമിച്ച കേസിലെ ഗുഢാലോചനക്കാരെ കുറിച്ച് മുഖ്യമന്ത്രിയ്ക് അറിയാമെന്നു ബി ജെ പി ദേശീയ നിർവാഹകസമിതി അംഗം വി മുരളീധരൻ. ആക്രമണം ഒരു സ്ത്രീയുടെ അനുവാദത്തോടെയാണെന്നു പൾസർ സുനി പറഞ്ഞിട്ടും അന്വേഷണം ആ സ്ത്രീയിലേക്ക് തിരിയാത്തത്  പിണറായി പറഞ്ഞിട്ടാണെന്നും അദ്ദേഹം  പറഞ്ഞു.  മുഖ്യ പ്രതിയെ പുറത്തു കൊണ്ടുവരാൻ മുഖ്യമന്ത്രിയ്ക് ധൈര്യമില്ലെന്നും  കേന്ദ്ര ഏജൻസി അന്വേഷിച്ചാൽ മാത്രമേ സത്യം പുറത്തു വരൂ എന്നും അദ്ദേഹം കൂട്ടിച്ചേർത്തു.

ശ്രീകണ്ഠപുരം : ഉളിക്കൽ ഏജന്റ് ടി വി ചാനൽ ലേഖകനും ചെമ്പേരി പ്രെസ്സ്ഫോറം സെക്രട്ടറിയുമായ സാജു ജോസെഫിനാണ് നടുവിൽ മണ്ഡലത്തിന് സമീപം വെച് അക്രമത്തിനിരയാകേണ്ടി വന്നത്. തളിപ്പറമ്പിലെ സ്വകാര്യ ആശുപത്രിയിൽ ചികിത്സയിലാണ്. പുലികുരുംബ സ്വദേശി മാന്തോട്ടത്തിൽ റോബിൻ എന്ന ആളുടെ  നേതൃത്വത്തിൽ ഒരു സംഘം ആളുകൾ ചേർന്നാണ് തന്നെ ആക്രമിച്ചതെന്ന് സാജു കുടിയാന്മല പോലീസിൽ പരാതിപ്പെട്ടു. സാജുവിന്റെ കഴുത്തിലെ രണ്ടര പവന്റെ സ്വർണ മാലയും നഷ്ടപ്പെട്ടിട്ടുണ്ട്.

കണ്ണൂർ : വിനോദ നികുതിയെ ചൊല്ലിയുണ്ടായ തർക്കത്തെ തുടർന്ന് അടച്ചുപൂട്ടിയ പയ്യാമ്പലം പാർക്ക് കണ്ണൂർ കോർപറേഷൻ ഏറ്റെടുത്തേക്കും. ഇതുസംബന്ധിച്ച കാര്യങ്ങൾ ഇന്ന് ഉച്ചയ്ക്ക് രണ്ടുമണിക് ചർച്ച  ചെയ്യും .കഴിഞ്ഞ മാസം ഒൻപതിനാണ് മേയർ ഇ പി ലതയുടെ നേതൃത്വത്തിൽ പാർക്ക് അടച്ചുപൂട്ടിയത്. മൂന്നാഴ്ചയായി തുടരുന്ന അനിശ്ചിതത്വത്തിനു ഇന്ന് തീരുമാനം  ഉണ്ടാകുമെന്നറിയുന്നു.

കണ്ണൂർ : പെണ്ണൊരുമ്പെട്ടാൽ ബ്രഹ്മനും തടുക്കാനാവില്ലെന്ന സത്യം  സി പി എം നേതൃത്വം മനസ്സിലാക്കണമെന്നും ഇനി കേരളത്തിൽ ഒരുതുള്ളി കണ്ണീരോ കൊലപാതകമോ നടന്നാൽ സ്ത്രീത്വത്തിന്റെ ശക്തി സി പി എം തിരിച്ചറിയുമെന്നും ഹിന്ദു ഐക്യ വേദി സംസ്ഥാന അധ്യക്ഷ കെ പി ശശികല പറഞ്ഞു. കേരളത്തിലെ സി പി എം ന്റെ നാളുകൾ എണ്ണപ്പെട്ടു കഴിഞ്ഞെന്നും അവർ കൂട്ടിച്ചേർത്തു. ബി ജെ പി സംസ്ഥാന ജനറൽ സെക്രട്ടറി ശോഭ സുരേന്ദ്രൻ നയിക്കുന്ന ചിതാഭസ്മ നിമഞ്ജന യാത്രയ്ക് കണ്ണൂരിൽ നൽകിയ സ്വീകരണ പരിപാടിയിൽ സംസാരിക്കുകയായിരുന്നു അവർ.  ആട്ടിൻതോലിട്ട ചെന്നായയുടെ സ്വഭാവമാണ് സി പി എം നെന്നും സി പി മന്റെ രാഷ്ട്രീയ അന്ത്യമായിരിക്കും നടക്കാൻ പോകുന്നതെന്നും അവർ പറഞ്ഞു.