ന്യൂഡല്‍ഹി: സംസ്ഥാന പോലീസ് മേധാവി സ്ഥാനത്തുനിന്ന് ടി.പി. സെന്‍കുമാറിനെ സര്‍ക്കാര്‍ നീക്കിയ നടപടിക്കെതിരെ സുപ്രീംകോടതി. നടപടി ശരിവെച്ച ഹൈക്കോടതി വിധിക്കെതിരെ സെന്‍കുമാര്‍ നല്‍കിയ അപ്പീൽ കോടതി പരിഗണിച്ചു. പത്രവാര്‍ത്തകളുടെ അടിസ്ഥാനത്തില്‍ എങ്ങനെയാണ് സര്‍ക്കാര്‍ നടപടിയെടുക്കുക എന്ന് കോടതി ചോദിച്ചു.ഇത്തരത്തില്‍ നടപടിയെടുത്താല്‍ പോലീസില്‍ ആളുണ്ടാവുമോ? എന്നും കോടതി ചോദിക്കുന്നു.
രാഷ്ട്രീയ പ്രതികാരത്തിന്റെ ഭാഗമായാണ് തന്നെ നീക്കിയതെന്നും ചട്ടങ്ങൾ പാലിക്കാതെയാണ് സർക്കാരിന്റെ നടപടിയെന്നും കാണിച്ചായിരുന്നു സെൻ കുമാർ കോടതിയിൽ ഹർജി നൽകിയിരുന്നത്. ഈ മാസം 27-ന് മുമ്പ് സര്‍ക്കാര്‍ വിശദീകരണം നല്‍കണമെന്നും കോടതി ഉത്തരവിട്ടു.
