ന്യൂഡല്‍ഹി: യു.പി തിരഞ്ഞെടുപ്പ് വിജയത്തില്‍ ബി.ജെ.പിയെ അഭിനന്ദിക്കുന്നു.എന്നാൽ അവർ വിജയിച്ചത് പണവും പദവിയും ദുരുപയോഗം ചെയ്തിട്ടാണെന്നു അദ്ദേഹം ആരോപിച്ചു. ‘കോണ്‍ഗ്രസ് പ്രതിപക്ഷത്താണ്. നിങ്ങള്‍ക്ക് ഉയര്‍ച്ചയും താഴ്ചയുമുണ്ടാകാം. യു.പിയില്‍ കോണ്‍ഗ്രസിന് തിരിച്ചടി നേരിട്ടു. അത് അംഗീകരിക്കുന്നു’ – രാഹുല്‍ ഗാന്ധി പറഞ്ഞു. പഞ്ചാബിലും ഗോവയിലും മണിപ്പൂരിലും ഞങ്ങള്‍ വിജയിച്ചു എന്നും ആ സംസ്ഥാനങ്ങളിലേത് ഒട്ടും മോശമല്ലാത്ത ഫലമാണെന്നും രാഹുല്‍ പറഞ്ഞു.
ന്യൂഡൽഹി : മനോഹർ പരീക്കർ മുഖ്യമന്ത്രിയാകാൻ ക്ഷണിച്ച ഗവർണറുടെ നടപടിക്കെതിരെ കോൺഗ്രസ് സമർപ്പിച്ച ഹർജിയിൽ സുപ്രീം കോടതിയിൽ വിശ്വാസവോട്ടെടുപ്പു നടത്താൻ തീരുമാനിച്ചു. ചീഫ് ജസ്റ്റിസ് ജഗദീഷ് കേഹാർ അധ്യക്ഷനായ മൂന്നംഗ ബെഞ്ചാണ് ഈ നിർണായക വിധി പുറപ്പെടുവിച്ചിരിക്കുന്നത്.
കൊച്ചി : സി എ വിദ്യാർത്ഥിനി മിഷേൽ ഷാജിയെ(18) കൊച്ചി കായലിൽ മരിച്ച നിലയിൽ കണ്ടെത്തിയ സംഭവത്തിൽ പെൺകുട്ടിയുടെ അകന്ന ബന്ധുവായ പിറവം സ്വദേശി ക്രോണിൻ അലക്സാണ്ടർ ബേബിയെ(27) പോലീസ് അറസ്റ്റ് ചെയ്തു. ആത്മഹത്യാ പ്രേരണ കുറ്റമാണ് ഇയാൾക്കെതിരെ ചുമത്തിയിട്ടുള്ളത്.
എന്നാൽ പോലീസ് അന്വേഷണം കാര്യക്ഷമമല്ലെന്നു ആരോപിച്ച് പിറവത്ത് പ്രതിപക്ഷ പാർട്ടികൾ ഹർത്താൽ ആചരിക്കുകയാണ്. മിഷേലിനെ കാണാതായ ദിവസം പകൽ സംശയകരമായ ഫോൺ വിളികളും സന്ദേശങ്ങളും ശ്രദ്ധയിൽ പെട്ടതാണ് ക്രോണിനെ കസ്റ്റഡിയിൽ എടുക്കാൻ കാരണം. പോസ്റ്റുമോർട്ടം റിപ്പോർട്ടിൽ മിഷേലിന്റെ മരണകാരണം ശ്വാസകോശത്തിൽ വെള്ളം കയറിയതാണെന്നു സൂചിപ്പിക്കുന്നതാണ് പോലീസിൽ നിന്ന് കിട്ടുന്ന വിവരം. മിഷേലിനെ ആരെങ്കിലും കായലിൽ തള്ളിയിട്ടു കൊലപ്പെടുത്തിയതാണോ എന്നുള്ള ബന്ധുക്കളുടെ സംശയവും അന്വേഷിക്കുമെന്നും പോലീസ് പറഞ്ഞു.
തിരുവനന്തപുരം : മന്ത്രി ജി സുധാകരന് എക്സൈസ് വകുപ്പിന്റെ താത്കാലിക ചുമതല കൈമാറാൻ തീരുമാനം. നിലവിലെ എക്സൈസ് വകുപ്പ് മന്ത്രിയായ ടി പി രാമകൃഷ്ണൻ നെഞ്ചുവേദനയെ തുടർന്ന് ആശുപത്രിയിലായ സാഹചര്യത്തിലാണ് വകുപ്പുമാറ്റം. നിലവിൽ പൊതുമരാമത്തുവകുപ്പുമന്ത്രിയാണ് ജി സുധാകരൻ.
കഴിഞ്ഞ ഞായറാഴ്ചയാണ് എക്സൈസ് മന്ത്രിയായ ടി പി രാമകൃഷ്ണനെ നെഞ്ചുവേദനയെ തുടർന്ന് കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. മുഴുവൻ സമയവും ഡോക്ടർമാരുടെ നിരീക്ഷണത്തിലാണ് മന്ത്രി
തിരുവനന്തപുരം : താനൂർ പ്രശ്നത്തിൽ ഭരണപക്ഷ പ്രതിപക്ഷ ബഹളം. പ്രതിപക്ഷം അടിയന്തര പ്രമേയത്തിന് നോട്ടീസ് നൽകി. പോലീസ് താനൂരിൽ ശക്തമായ തീരുമാനങ്ങൾ സ്വീകരിക്കുന്നുവെന്ന് മുഖ്യമന്ത്രി മറുപടി നൽകി. എന്നാൽ സ്ത്രീകളും കുട്ടികളും അടങ്ങുന്ന കുടുംബങ്ങളിൽ കയറി പോലീസ് അതിക്രമം കാണിക്കുന്നു എന്ന് പ്രതിപക്ഷം ആരോപിച്ചു.
കണ്ണൂർ: മദ്യത്തിനും മയക്കുമരുന്നിനും എതിരായ ബോധവൽക്കരണ പരിപാടിയായ വിഷമുക്തി ലഹരി വർജ്ജന മിഷൻ ജില്ലാതല ഉദ്ഘാടനം 18 നു മന്ത്രി കെ കെ ശൈലജ നിർവഹിക്കും. വൈകുനേരം നാലിന് കണ്ണൂർ ടൌൺ സ്‌ക്വയറിൽ നടക്കുന്ന ചടങ്ങിൽ മന്ത്രിമാർ, എം പിമാർ, എം ൽ എ മാർ തുടങ്ങി വിശിഷ്ട വ്യക്തികൾ പങ്കെടുക്കും.
സ്റ്റുഡൻറ് പോലീസ് കേഡറ്സ് , സ്കൂൾ കോളേജ് ലഹരി വിരുദ്ധ ക്ലബ്ബുകൾ, എൻ എസ് എസ് , കുടുംബശ്രീ, ലൈബ്രറി കൌൺസിൽ മദ്യവർജ്ജന സമിതികൾ തുടങ്ങിയവയുമായി സഹകരിച്ചു മദ്യത്തിനും മയക്കുമരുന്നിനും എതിരായി ബോധവൽക്കരണ പരിപാടികൾ സംഘടിപ്പിക്കാനും നിയമവിരുദ്ധ ലഹരി വസ്തുക്കളുടെ ശേഖരണവും കടത്തും തടയുന്നതിനുള്ള പദ്ധതികൾ ആസൂത്രണം ചെയ്യുന്നതിനാണ് വിഷമുക്തി മിഷനിലൂടെ ലക്ഷ്യമിടുന്നത്.
ചെറുപുഴ : നാളെ രാവിലെ പതിനൊന്നു മണിക്ക് പയ്യന്നൂർ ബിആർ സി , സർവ ശിക്ഷ അഭിയാൻ എന്നിവയുടെ നേതൃത്വത്തിൽ ചെറുപുഴ പഞ്ചായത്ത് തല മികവ് പ്രദർശനം സംഘടിപ്പിക്കുന്നു. ഉച്ചകഴിഞ്ഞു രണ്ടു മണിക്ക് നടക്കുന്ന പ്രദർശനം ചെറുപുഴ പഞ്ചായത്ത് പ്രസിഡന്റ് ജമീല കോളയത് ഉദ്ഘാടനം ചെയ്യും.
തിരുവനന്തപുരം : നിയമസഭാ സമ്മേളനം നടക്കുന്ന സമയത്ത് പെട്ടന്നായിരുന്നു മുഖ്യമന്ത്രിയുടെ പ്രൈവറ്റ് സെക്രട്ടറി എം വി ജയരാജന്റെ ഓഫീസിലെത്തിയ പാഴ്‌സലിൽ ബോംബ് എന്ന വാർത്ത കാട്ടു തീപോലെ പടർന്നത്. ബോംബ് സ്‌ക്വാഡും അഗ്നിശമന സേനയും പാഞ്ഞെത്തി. പോലീസിന്റെ വയർലെസ്സ് സെറ്റുകളിൽ നിന്ന് ബോംബ് സന്ദേശങ്ങൾ പാഞ്ഞു. ബോംബ് സ്‌ക്വാഡ് അംഗങ്ങൾ ബോംബ് നിർവീര്യമാക്കാനുള്ള നടപടികളും ആരംഭിച്ചു. ഒടുവിൽ പാർസൽ തുറന്നതോടെയാണ് ഉദ്വേഗജനകമായ നിമിഷങ്ങൾക്ക് അവസാനമായത്. ഇടതുപക്ഷ സർക്കാരിന് എ ബി വി പിയുടെ സമ്മാനമാണ് പാഴ്‌സലിൽ ഉണ്ടായിരുന്നത്. സ്ത്രീവിരുദ്ധമുഖമുള്ള സർക്കാർ സാരിയുടുത്തു നടക്കുക എന്ന കുറിപ്പോടെ മുന്ന് സാരിയാണ് പാഴ്‌സലിൽ ഉണ്ടായിരുന്നത്. സ്ത്രീ സുരക്ഷയുടെ കാര്യത്തിൽ സർക്കാർ വൻ പരാജയമാണെന്ന് ചർച്ചയ്ക്കിടെയാണ് ഇത്തരമൊരു സമ്മാനം.
ന്യൂഡൽഹി: ഗോവയിൽ മനോഹർ പരീക്കർ ഇന്ന് സത്യപ്രതിജ്ഞ ചെയ്യാനിരിക്കെ വലിയ ഒറ്റ കക്ഷിയായ കോൺഗ്രസിനെ ഒഴിവാക്കി ബി ജെ പിയെ സർക്കാർ ഉണ്ടാക്കാൻ ക്ഷണിച്ച ഗവർണറുടെ നടപടിക്ക് എതിരെ കോൺഗ്രസ് നൽകിയ ഹർജി കോടതി ഇന്ന് പരിഗണിക്കും. ഹോളി പ്രമാണിച്ചു കോടതി അവധിയാണെങ്കിലും അടിയന്തിര സാഹചര്യം പ്രമാണിച്ചു വാദം കേൾക്കുമെന്ന് കോടതി അറിയിക്കുകയായിരുന്നു. ഭരണഘടനയ്ക്ക് വിരുദ്ധമാണ് ഈ തീരുമാനം എന്ന് വാദിച്ച് ഗോവ നിയമ കക്ഷി നേതാവ് ചന്ദ്രകാന്ത് കാവ്ലേകറാണ് ഹർജി സമർപ്പിച്ചത്.
ബംഗളുരു: സുഹൃത്തുക്കളോടൊപ്പം വണ്ടർലാ സന്ദർശിക്കാൻ എത്തിയ മലയാളി യുവതി ബസ്സിടിച് മരിച്ചു. മലപ്പുറം പെരുവള്ളൂർ വെണ്ണൻ വീട്ടിൽ അശ്വതി എസ് നായർ(20) ആണ് മരിച്ചത്. ഒപ്പമുണ്ടായിരുന്ന ചങ്ങരംകുളം സ്വതേഷി ദീപ്തി ദാസിന് പരിക്കേറ്റു. ഹാസനിൽ ഹസനബാ ഡെന്റൽ കോളേജിലെ വിദ്യാർത്ഥികളാണ് ഇരുവരും. വണ്ടര്ലാ സന്ദർശിച്ചു തിരികെ വരുമ്പോൾ വാഹനത്തിൽ കയറാൻ റോഡ് മുറിച്ചു കടക്കവേ ബസ് ഇടിക്കുകയായിരുന്നു.