News Desk

കണ്ണൂര്‍: തെരുവോര കച്ചവടക്കാരുടെ തൊഴില്‍സ്ഥിരത ഉറപ്പുവരുത്തുക, തൊഴിലാളികള്‍ക്ക് ക്ഷേമനിധി ഉറപ്പുവരുത്തുക, പാര്‍ലമെന്റ് പാസാക്കിയ തെരുവോര കച്ചവടനിയമം കര്‍ശനമായി നടപ്പാക്കുക തുടങ്ങിയ ആവശ്യങ്ങൾ ഉന്നയിച്ച് തെരുവോര കച്ചവടക്കാര്‍ സ്ട്രീറ്റ് മര്‍ച്ചന്റ്‌സ് അസോസിയേഷന്റെ (സി.ഐ.ടി.യു.) നേതൃത്വത്തിൽ കളക്ടറേറ്റിലേക്ക് മാര്‍ച്ചും ധര്‍ണയും നടത്തി. സി.ഐ.ടി.യു. സംസ്ഥാന സെക്രട്ടറി കെ.പി.സഹദേവന്‍ ഉദ്ഘാടനംചെയ്തു. കെ.വി.നാരായണന്‍ അധ്യക്ഷതവഹിച്ചു.

കോഴിക്കോട്: നിയന്ത്രണം പിൻവലിച്ചതോടെ ഇടപാടുകാർ കൂടുതൽപണം പിൻവലിക്കുന്ന സാഹചര്യത്തിൽ പൊതുമേഖലബാങ്കുകളിൽ വീണ്ടും നോട്ടുക്ഷാമം അനുഭവപ്പെടുന്നു. എ.ടി.എമ്മുകളിൽ നോട്ടുകൾ വയ്ക്കേണ്ടെന്നാണ് ബാങ്കുകൾക്ക് ഉള്ള നിർദേശം. ഇടപാടുകാർ കൊണ്ടുവരുന്ന പണമെടുത്ത് പ്രതിസന്ധി നേരിടാനാണ് ജീവനക്കാർ ശ്രമിക്കുന്നത്. നോട്ടിന്റെ ക്ഷാമം സ്വകാര്യ ബാങ്കുകളെ അധികം ബാധിച്ചിട്ടില്ല. ഇവയുടെ എ.ടി.എമ്മുകളിൽ  ആവശ്യത്തിന് പണം ലഭിക്കുന്നുണ്ട്.

കണ്ണൂര്‍: പോലിസുകാരെ സസ്‌പെന്‍ഡ് ചെയ്യുന്ന ജോലിമാത്രമുള്ള മുഖ്യമന്ത്രിയായി പിണറായി മാറി എന്നും ജനങ്ങളുടെ പ്രശ്‌നങ്ങളില്‍ ഇടപെടാന്‍ മുഖ്യമന്ത്രിക്ക് കഴിയുന്നില്ലെന്നും യൂത്ത് കോണ്‍ഗ്രസ് അഖിലേന്ത്യാ ജനറല്‍ സെക്രട്ടറി ഷാഫി പറമ്പില്‍ എം.എല്‍.എ. കുറ്റപ്പെടുത്തി. കേന്ദ്ര -സംസ്ഥാന സര്‍ക്കാരുകളുടെ ജനദ്രോഹ നയത്തില്‍ പ്രതിഷേധിച്ച് കണ്ണൂര്‍ ലോക്‌സഭാ മണ്ഡലം കമ്മിറ്റി പൊറുതിമുട്ടിയവരുടെ പോരാട്ടം എന്ന മുദ്രാവാക്യമുയര്‍ത്തി സംഘടിപ്പിച്ച കളക്ടറേറ്റ് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം. ഡി.സി.സി. പ്രസിഡന്റ് സതീശന്‍ പാച്ചേനി, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ജോഷി കണ്ടത്തില്‍, ജൂബിലി ചാക്കോ, ഒ.കെ.പ്രസാദ് എന്നിവര്‍ സംസാരിച്ചു.