കണ്ണൂര്‍: വര്‍ഷങ്ങള്‍ പഴക്കമുള്ള ജില്ലാആസ്പത്രി മോര്‍ച്ചറി കെട്ടിടം പുതുമോടിയിലേക്ക്. നവീകരണപ്രവര്‍ത്തനങ്ങള്‍ക്കായി മോര്‍ച്ചറി അടച്ചിട്ടിരിക്കുന്നതിനാൽ മൃദേഹപരിശോധന താത്കാലികമായി തലശ്ശേരി ജനറല്‍ ആസ്പത്രിയിലേക്ക് മാറ്റി. 25 ലക്ഷം രൂപ ചെലവഴിച്ചാണ് ഇപ്പോള്‍ നവീകരണം നടത്തുന്നത്. ജില്ലാപഞ്ചായത്തിന്റെ മേല്‍നോട്ടത്തില്‍ നിര്‍മിതികേന്ദ്രത്തിനാണ് നിര്‍മാണച്ചുമതല.
കെട്ടിടം പൊളിച്ചു നിര്‍മിക്കാതെ നവീകരണപ്രവര്‍ത്തനമാണ് നടത്തുന്നത്. കെട്ടിടത്തിനകത്ത് ആറ് മുറികളൊരുക്കും. അഴുകിയതും ദിവസങ്ങള്‍ പഴക്കമുള്ളതുമായ മൃതദേഹം സൂക്ഷിക്കാന്‍ പ്രത്യേകമുറിയുണ്ടാകും. ഒരേസമയത്ത് രണ്ട് മൃതദേഹപരിശോധനവരെ നടത്താനാവും.
