ഇരിട്ടി: മുള്ളന്‍പന്നിയെ വെട്ടയാടിക്കൊന്ന് ഇറച്ചിയാക്കി ഉണക്കി സൂക്ഷിക്കുന്നതിനിടയില്‍ അയ്യന്‍കുന്ന് പഞ്ചായത്തിലെ രണ്ടാംകടവ് കളിതട്ടുംപറായിലെ വലിയവീട്ടില്‍ ജെയിംസി(50)നെ പോലീസ് അറസ്റ്റു ചെയ്തു. കൊട്ടിയൂര്‍ റേഞ്ച് ഓഫീസര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇയാള്‍ പിടിയിലായത്. ഇയാളുടെ പക്കല്‍നിന്ന് ആറുകിലോ മുള്ളന്‍പന്നിയുടെ ഉണക്കിയ ഇറച്ചി ലഭിച്ചു.പ്രതിയെ മട്ടന്നൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു. മുള്ളന്‍പന്നിയെ വേട്ടയാടിക്കൊല്ലുന്നത് മൂന്നുവര്‍ഷംവരെ തടവുശിക്ഷ ലഭിക്കാവുന്ന കുറ്റമാണ്.
