ദില്ലി: ചാരനെന്ന് ആരോപിച്ച് ഇന്ത്യന്‍ നാവികസേന മുന്‍ ഉദ്യോഗസ്ഥന്‍ കുല്‍ഭൂഷണ്‍ യാദവിന് വധശിക്ഷ വിധിച്ച പാകിസ്താന്‍ നടപടിക്കെതിരെ പ്രസ്താവന തയ്യാറാക്കുന്നതിന് കോണ്‍ഗ്രസ് നേതാവ് ശശി തരൂരിന്റെ സഹായം തേടി വിദേശകാര്യ മന്ത്രി സുഷ്മ സ്വരാജ്. ഇന്ത്യയിലെ മുഴുവന്‍ പേരെയും ബാധിക്കുന്ന വിഷയമാണിതെന്ന് ശശി തരൂര്‍ പ്രതികരിച്ചു.
ഇന്ത്യയിലെ എല്ലാ പാര്‍ട്ടികളും ഒന്നിച്ചുനില്‍ക്കണമെന്നും വിഷയം ഐക്യരാഷ്ട്രസഭയില്‍ ഉന്നയിക്കണമെന്നും ബിജെഡി എം പി ജെ പാണ്ഡെ ആവശ്യപ്പെട്ടു. കുല്‍ഭൂഷണ്‍ യാദവിനെ രക്ഷിക്കേണ്ടത് നമ്മുടെ കൂട്ടായ ഉത്തരവാദിത്തമാണെന്നാണ് ഹൈദരാബാദില്‍ നിന്നുള്ള എം പിയായ അസദുദ്ദീന്‍ ഒവൈസി പറഞ്ഞു. പാകിസ്താന്‍ നടപടിയില്‍ എംപിമാര്‍ ഒന്നടങ്കം പാര്‍ലമെന്റില്‍ പ്രതിഷേധമറിയിച്ചു.
കഴിഞ്ഞ വര്‍ഷം മാര്‍ച്ചിലാണ് 46 കാരനായ മുന്‍ നാവികസേന ഉദ്യോഗസ്ഥാന്‍ കുല്‍ഭൂഷണ്‍ യാദവ് ചാരപ്രവര്‍ത്തി ആരോപിക്കപ്പെട്ട് പാകിസ്താനില്‍ പിടിയിലായത്. ഇന്ത്യന്‍ രഹസ്യാന്വേഷണ ഏജന്‍സിയായ റോയുടെ ഉദ്യോഗസ്ഥനാണ് കുല്‍ഭൂഷണ്‍ എന്നാണ് പാകിസ്താന്‍ ആരോപണം
