പയ്യന്നൂർ: രാമന്തളിയിലെ ജനങ്ങളുടെകുടിവെള്ളം മുട്ടിച്ച നേവൽ അക്കാഡമിയുടെ ജനദ്രോഹ നടപടിക്കെതിരെ റോഡ് ഉപരോധ സമരം നടത്തിയ 54 പേർ അറസ്റ്റിൽ. 50 ദിവസമായി തുടരുന്ന അനിശ്ചിതകാല നിരാഹാര സമരത്തോട് അധികൃതർ കാണിക്കുന്ന അവഗണനയിൽ പ്രതിഷേധിച്ചു റോഡ് ഉപരോധിച്ചവരെയാണ് ഇന്നലെ രാവിലെ പതിനൊന്നരയോടെ പോലീസ് അറസ്റ്റു ചെയ്തു നീക്കിയത്. സമരം നടത്തുന്നവരെ കള്ളക്കേസിൽ കുടുക്കുന്ന പോലീസ് നടപടിയിൽ പ്രതിഷേധിച്ചു രാമന്തളി പഞ്ചായത്തിൽ ഇന്ന് ഹർത്താൽ പ്രഖ്യാപിച്ചിട്ടുണ്ട്. രാവിലെ ആറു മുതൽ വൈകുനേരം ആറുവരെയാണ് ഹർത്താൽ.
കണ്ണൂർ: കണ്ണൂർ വിമാനത്താവളത്തിലേക്ക് സർവീസ് നടത്തുന്നതിനായി വിമാന കമ്പനികളുമായി ഏപ്രിൽ 27 നു കേന്ദ്ര വ്യോമയാന സെക്രട്ടറിയുടെ നേതൃത്വത്തിൽ ചർച്ച നടത്തും. ചർച്ചയിൽ കണ്ണൂർ എയർപോർട്ട് കമ്പനി പ്രതിനിധികൾ പങ്കെടുക്കും. വലിയ വിമാനം ഇറങ്ങുന്നതിനുള്ള നടപടികൾ വേഗത്തിലാക്കുമെന്നും കേന്ദ്ര വ്യോമയാന മന്ത്രി അശോക് ഗജപതി രാജു അറിയിച്ചു. ഇക്കാര്യത്തിൽ പിണറായി വിജയന് ഉറപ്പു നൽകുകയായിരുന്നു അദ്ദേഹം.
ശബരിമലയിൽ വിമാനത്താവളത്തിന് സ്ഥലം ഏറ്റെടുക്കുന്ന നടപടികൾ പൂർത്തിയായാൽ കേന്ദ്ര വ്യോമയാന മന്ത്രാലയവുമായി ചർച്ച ചെയ്തു കാര്യങ്ങൾ വേഗത്തിലാക്കാമെന്നു കേന്ദ്രമന്ത്രി അറിയിച്ചതായും മുഖ്യമന്ത്രി ഡൽഹിയിൽ പറഞ്ഞു.
ദില്ലി: ബിജെപിയെ നേരിടാൻ കോൺഗ്രെസ്സുമായി കൂട്ടുചേർന്നിട്ട് കാര്യമില്ലെന്നു പിണറായി വിജയൻ. ദില്ലി മുഖ്യമന്ത്രി അരവിന്ദ് കെജ്രിവാളുമായി നടത്തിയ കൂടിക്കാഴ്ചയ്ക്കു ശേഷമാണ് പിണറായി ഇക്കാര്യം പറഞ്ഞത്. മോഡി സർക്കാർ രാജ്യത്ത് ഭീകരാന്തരീക്ഷം സൃഷ്ട്ടിക്കുകയാണെന്നു കൂടിക്കാഴ്ചയ്ക്കു ശേഷം കെജ്‌രിവാൾ പറഞ്ഞു.
രാവിലെ എട്ടരയ്ക്ക് ദില്ലി കേരളാ ഹൗസിലാണ് ഇരുവരും കൂടിക്കാഴ്ച നടത്തിയത്. മുഖ്യമന്ത്രിയ്‌ക്കൊപ്പം സി പി ഐ എം സംസ്ഥാന സെക്രട്ടറി കോടിയേരി ബാലകൃഷ്ണനും പങ്കെടുത്തു.
ലണ്ടന്‍: ലണ്ടനില്‍ അറസ്റ്റിലായ വിവാദ ഇന്ത്യന്‍ വ്യവസായി വിജയ് മല്ല്യക്ക് മണിക്കൂറുകള്‍ക്കകം ജാമ്യം. മൂന്നു മണിക്കൂറാണ് മല്ല്യ പോലീസ് കസ്റ്റഡിയില്‍ ഉണ്ടായിരുന്നത്. 50 ലക്ഷം പൗണ്ട് (എകദേശം 5.32 കോടി ഇന്ത്യന്‍ രൂപ) കെട്ടിവെച്ചാണ് മല്ല്യ ജാമ്യം നേടിയത്. ലണ്ടന്‍ വെസ്റ്റ്മിന്‍സ്റ്റര്‍ കോടതിയില്‍ ഹാജരാക്കിയ മല്ല്യക്ക് കോടതി ജാമ്യം അനുവദിക്കുകയായിരുന്നു.
കൊച്ചി: കൊച്ചിയിൽ ക്വട്ടേഷൻ സംഘം തന്നെ ആക്രമിച്ച സംഭവത്തിന് പിന്നിൽ ആരാണെന്നു തനിക്കറിയാമെന്നും ഭാവന. നടി അക്രമിക്കപ്പെട്ടതിനു തൊട്ടടുത്ത ദിവസം തന്നെ ഇതിനു പിന്നിൽ പ്രവർത്തിച്ചത് ഒരു സ്ത്രീ ആണെന്ന തരത്തിൽ വാർത്തകൾ പ്രചരിച്ചിരുന്നു. പക്ഷെ തെളിവുകൾ പൂർണമല്ലാത്തതിനാൽ പേര് പറയുന്നില്ല എന്നും ഭാവന പറയുന്നു. ഒരു സൂപ്പർ നടിയുടെ മേക്കപ്പ് നിർവഹിക്കുന്ന ബ്യുട്ടീഷൻ ആയ സ്ത്രീയാണ് ക്വട്ടേഷന് പിന്നിലെന്നാണ് സിനിമാക്കാർ നൽകുന്ന സൂചന. സിനിമയിൽ സജീവമല്ലാത്ത നടിയുടെ ആവശ്യപ്രകാരമായിരുന്നു ക്വട്ടേഷൻ എന്നും ആണ് ഇപ്പോൾ കരുതപ്പെടുന്നത്. എന്നാൽ ഇതിനു പിന്നിലെ ലക്‌ഷ്യം എന്താണെന്നു ഇനിയും വെളിപ്പെട്ടിട്ടില്ല.
കൊച്ചി: നടിയെ ആക്രമിച്ച കേസില്‍ ഏഴ് പേരെ പ്രതികളാക്കി കുറ്റപത്രം സമര്‍പ്പിച്ചു. സുനില്‍ കുമാര്‍ എന്ന പള്‍സര്‍ സുനിയാണ് ഒന്നാം പ്രതി. സുനിലിന്റെ മൊബൈല്‍ ഫോണ്‍ കണ്ടെത്താന്‍ അന്വേഷണം തുടരും.അങ്കമാലി മജിസ്‌ട്രേറ്റ് കോടതിയിലാണ് 375 പേജുള്ള കുറ്റപത്രം അന്വേഷണ സംഘം സമര്‍പ്പിച്ചത്. കേസില്‍ 165 സാക്ഷികളുണ്ട്.
ന്യൂഡൽഹി: വ്യാജ അക്കൗണ്ടുകൾ പൂട്ടിക്കാൻ ഫേസ്ബുക് തയ്യാറെടുക്കുന്നു. വ്യാജ അക്കൗണ്ടുകൾ കണ്ടെത്തി അവ സസ്‌പെൻഡ് ചെയ്തശേഷം വ്യക്തിത്വത്തെ തെളിയിക്കുന്നതിനുള്ള തെളിവുകൾ ആവശ്യപ്പെടും. അവ നല്കുന്നില്ലെങ്കിൽ അക്കൗണ്ട് ഫേസ്ബുക്കിൽ നിന്നും നീക്കം ചെയ്യും. യഥാർത്ഥ ജീവിതത്തിൽ പുലർത്തുന്ന ഉത്തരവാദിത്തം ഓൺലൈനിലും പുലർത്തണമെന്നാണ് പുതിയ നടപടി വിവരിച്ചുകൊണ്ട് ഫേസ്ബുക് പ്രൊട്ടക്ട ആൻഡ് കെയർ ടീം പറയുന്നത്. ഓരോ അക്കൗണ്ടിനുമുള്ള ആക്ടിവിറ്റി പാറ്റേൺ നോക്കിയാണ് അത് ഫെയിക് ആണോ അല്ലയോ എന്ന് തീരുമാനിക്കാൻ സാധിക്കുന്നത് എന്ന് ഫേസ്ബുക് വ്യക്തമാക്കുന്നു. അശ്‌ളീല ചിത്രങ്ങൾ ഷെയർ ചെയ്തു പോകുന്നത് ഫോട്ടോ മാച്ചിങ് ടെക്നോളജി ഉപയോഗിച്ചു തടയുവാനും ഫേസ്ബുക് നീക്കം ആരംഭിച്ചു .
ലണ്ടൻ: രാജ്യം വിട്ട വിവാദ വ്യവസായി വിജയ് മല്യയെ അറസ്റ് ചെയ്യിപ്പിച്ചത് പ്രധാനമന്ത്രി നരേന്ദ്രമോദിയുടെ നേരിട്ടുള്ള ഇടപെടൽ മൂലം. ബാങ്കുകളെ പറ്റിച്ചു മുങ്ങിയ മല്യയെ തിരികെ എത്തിക്കാൻ ശക്തമായ ഇടപെടലുകളാണ് ഇന്ത്യ നടത്തി വന്നിരുന്നത്. ഈ വിഷയത്തിൽ ബ്രിട്ടീഷ് പ്രധാനമന്ത്രിയുമായി മോഡി നേരിട്ട് സംസാരിക്കുകയും ചെയ്തിട്ടുണ്ട്.
ഇന്ത്യയിലെ രാഷ്ട്രീയ നേതാക്കൾക്കിടയിൽ മാത്രമല്ല ബ്രിട്ടനിലെ ഉന്നത രഷ്ട്രീയ നേനതൃത്വങ്ങളുമായും വളരെ അടുത്ത ബന്ധമാണ് ഈ മദ്യ രാജാവിനുള്ളത്. ഇന്ത്യയിൽ 9000 കോടി കുടിശ്ശിക വരുത്തിയ കേസിലാണ് ഇപ്പോഴത്തെ അറസ്റ്. കഴിഞ്ഞ വര്ഷം മെയിലാണ് വിജയ് മല്യ രാജ്യം വിട്ടത്.
കൊച്ചി: പാമ്പാടി നെഹ്‌റു കോളേജ് വിദ്യാർത്ഥിയായിരുന്ന ജിഷ്ണുവിന്റെ ‘അമ്മ മഹിജ നടത്തിയ സമരത്തെ വിമർശിച്ചു മന്ത്രി ജി സുധാകരൻ. മഹിജയുടെ സമരം എൽ ഡി എഫിനെ ബാധിക്കില്ലെന്നും മലപ്പുറത്തു കിട്ടിയത് സ്ത്രീകളുടെ വോട്ടാണെന്നും മന്ത്രി സുധാകരൻ മാധ്യമങ്ങളോട് പറഞ്ഞു. മഹിജയുടെ സമരവുമായി ബന്ധപ്പെട്ടു പുറത്തു വന്നത് കെട്ടുകഥയാണ് . സമരം കൊണ്ട് എന്ത് നേടിയെന്നു ചോദിച്ചപ്പോൾ മുഖ്യമന്ത്രിയെ വളഞ്ഞിട്ട് ആക്രമിക്കുകയാണ് ചെയ്തത്. ഞങ്ങൾ ആ അമ്മയുടെ കുടെയായിരുന്നല്ലോ, എന്നിട്ട് അവരുടെ കുടെയായിരുന്ന ഞങ്ങളെ ശത്രുപക്ഷത്താക്കുകയാണ് ചെയ്തതെന്നും സുധാകരൻ വ്യക്തമാക്കി. സർക്കാരിനെതിരെ പറഞ്ഞാൽ പാർട്ടിയിൽ കാണില്ല.ഇപ്പോൾ ചെയ്തത് സർക്കാർ നേരത്തെയും ചെയ്യുമായിരുന്നുവെന്നും ജി സുധാകരൻ വ്യക്തമാക്കി.
ഇരിട്ടി: ജനശ്രീ സുസ്ഥിര വികസന മിഷന്റെ പത്താം വാർഷികാഘോഷത്തിന്റെ ഭാഗമായി നടത്തുന്ന ഇരിട്ടി ബ്ലോക്ക് തല കലോത്സവം നാളെ കീഴുർ വി യു പി സ്കൂളിൽ നടക്കും. പടിയൂർ, ഉളിക്കൽ, പായം, ഇരിട്ടി നഗരസഭ, അയ്യങ്കുന്ന്‌, ആറളം എന്നീ മേഖലകളിലെ 300ഓളം ജനശ്രീ മിഷൻ യൂണിറ്റുകളിൽ നിന്നും 500 ഓളം കലാപ്രതിഭകൾ കലോത്സവത്തിൽ പങ്കെടുക്കും. ഡി സി സി പ്രസിഡന്റ് സതീശൻ പാച്ചേനി മത്സരങ്ങൾ ഉത്ഘാടനം ചെയ്യും. ജില്ലാ പഞ്ചായത്ത് അംഗം തോമസ് വർഗീസ് അധ്യക്ഷത വഹിക്കും. മൂന്നിന് നടക്കുന്ന സമാപന സമ്മേളനം സണ്ണി ജോസഫ് എം എൽ എ ഉത്ഘാടനം ചെയ്യും.