News Desk

തൃശൂർ : പൂരം നടക്കുന്ന മൈതാനിയിൽ പിഞ്ചു കുഞ്ഞിനോട് ക്രൂരത. പൊരി വെയിലിൽ പിഞ്ചു കുഞ്ഞിനെ ഉപയോഗിച്ച് അഭ്യാസ പ്രകടനം നടത്തുന്നു. അഭ്യാസം കാണാനും നൂറുകണക്കിനാളുകളാണ് ചുറ്റും കുടിയിരിക്കുന്നത്.

കണ്ണൂർ: ഇടിമുറിയും സ്റ്റേഷനിലെ ലോക്കപ്പ് മുറിയും ഇല്ല ,പ്രതികളെ ചോദ്യം ചെയ്യുന്നതിനും നിരീക്ഷിക്കുന്നതിനുമായി ആധുനിക രീതിയിലുള്ള ചോദ്യം ചെയ്യൽ മുറി പ്രവർത്തനമാരംഭിച്ചു. എ ആർ ക്യാമ്പിലെ ഒന്നാം നിലയിലാണ് ജില്ലാ പോലീസ് സേനയിൽ ആദ്യമായി ശാസ്ത്രീയ ഇന്റോരാഗേഷൻ മുറി ആരംഭിക്കുന്നത്.

പ്രതിയെ ചോദ്യം ചെയ്യുമ്പോൾ പ്രതിയുടെ ഭാവമാറ്റവും പെരുമാറ്റ രീതികളുമൊക്കെ അവരുടെ ശ്രദ്ധയിൽപ്പെടാതെ നിരീക്ഷിക്കാനും തെളിവുകൾ ശേഖരിക്കുന്നതിനും സാധിക്കുന്ന രീതിയിലാണ് മുറി തയ്യാറാക്കിയിരിക്കുന്നത്.

മുറിയുടെ ഒരു ഭിത്തിയുടെ ഭാഗം കണ്ണാടി ഉപയോഗിച്ചാണുള്ളത്. കണ്ണാടിക്ക് പുറത്തുള്ളവരെ പ്രതികൾക്ക് കാണാനാകില്ല. ചോദ്യം ചെയ്യൽ റെക്കോർഡ് ചെയ്യുന്നതിനും പിന്നീട് ആവശ്യമെങ്കിൽ വിശകലനം ചെയ്യുന്നതിനും ഉള്ള സൗകര്യവും മുറികളിൽ ഒരുക്കിയിട്ടുണ്ട്. ജില്ലയിലെ എല്ലാ സ്റ്റേഷനുകളിൽ നിന്നും വിശദമായ ചോദ്യം ചെയ്യൽ ആവശ്യമുള്ളവരെ ഇവിടെ എത്തിക്കും. ഐ ജി പി വിജയനാണ് മുറി രൂപകൽപ്പന ചെയ്തിട്ടുള്ളത്. ചോദ്യം ചെയ്യൽ മുറിയുടെ ഉദ്‌ഘാടനം കണ്ണൂർ റേഞ്ച് ഐ ജി മഹിപാൽ യാദവ് നിർവഹിച്ചു  എസ് പി ശിവവിക്രം അധ്യക്ഷത വഹിച്ചു.

വളപട്ടണം: വളപട്ടണത്ത്   അഴീക്കൽ റോഡിൽ റെയിൽവേ  അടിപ്പാതയ്ക്ക് സമീപം ലോറി സ്റ്റാന്റിനോട് ചേർന്ന് മാലിന്യം കുമിഞ്ഞു   കൂടുന്നു. പഞ്ചായത്ത് ഓഫീസിന്റെയും വളപട്ടണം പ്രാഥമിക ആരോഗ്യ കേന്ദ്രത്തിന്റെയും മൂക്കിന് താഴെ ആയിട്ടും ഭരണ സമിതിയും ആരോഗ്യ വകുപ്പ് അധികൃതരും തിരിഞ്ഞു നോക്കുന്നില്ലത്രേ. പഞ്ചായത്ത് അധികൃതർ തന്നെ ഇവിടെ  മാലിന്യം തള്ളുന്ന കേന്ദ്രമാക്കിയെന്നാണ് ആരോപണം. പഞ്ചായത്ത് തള്ളുന്ന മാലിന്യങ്ങൾക്ക് പുറമെ സാമൂഹ്യദ്രോഹികൾ പ്ലാസ്റ്റിക് ചാക്കുകളിലാക്കി മാലിന്യം കൊണ്ട് തള്ളുന്നതും പതിവാക്കിയിട്ടുണ്ട്. അറവു മാലിന്യം തള്ളുന്നത് കാരണം തെരുവ് നായ്ക്കളുടെ ശല്യവും വർധിച്ചിട്ടുണ്ട്.

തിരുവനന്തപുരം : പോലീസ് തലപ്പത്തു സർക്കാർ വൻ അഴിച്ചുപണി നടത്തുന്നു. ടോമിൻ തച്ചങ്കരിയെ പോലീസ് ആസ്ഥാനത്തെ എ ഡി ജി പി ആയി നിയമിച്ചു. ഇതേ തുടർന്ന് ഉണ്ടായ ഒഴിവിൽ എറണാകുളം റേഞ്ച് ഐ ജി  പി വിജയന്  അധിക  ചുമതല നൽകി. ഡി ജി പി ആയി ടി പി സെൻകുമാർ തിരിച്ചെത്തുന്നതിന്റെ ഭാഗമായാണ് പോലീസ് തലപ്പത്തു സർക്കാർ അഴിച്ചുപണി നടത്തുന്നത്.