ബ്രിട്ടനിൽ ആദ്യമായി സിഖ് വനിത പാർലമെന്റിലേക്ക് തിരഞ്ഞെടുക്കപ്പെട്ടു. ലേബർ പാർട്ടി സ്ഥാനാർഥി പ്രീത് കൗർ ഗിലാണ് എം പി ആയി തിരഞ്ഞെടുക്കപ്പെട്ടത്.എഡ്‌ജ്‌ബാസ്റ്റണിൽ തന്നെ ജനിച്ചു വളർന്നയാളാണ് ഗിൽ. ഭരണകക്ഷിയായ കൺസർവേറ്റീവ് പാർട്ടിയുടെ കരോളിൻ സ്‌ക്യൂറിയെയാണ് പ്രീത് കൗർ പരാജയപ്പെടുത്തിയത്
തിരുവനന്തപുരം: സംസ്ഥാനത്തെ ഈ വർഷത്തെ ട്രോളിങ് നിരോധനം ജൂൺ 14 അർധരാത്രി മുതൽ നടപ്പിൽ വരും.ജൂൺ 14 മുതൽ ജൂലായ് 31 വരെ 47 ദിവസം കേരള തീരക്കടലിൽ കരയിൽ നിന്ന് കടലിലേക്ക് 22k.m വരെ മൺസൂൺകാല ട്രോളിങ് നിരോധനം നടപ്പിലാക്കും. ഈ കാലയളവിൽ മൽസ്യബന്ധന ബോട്ടുകൾ മൽസ്യബന്ധനം നടത്തുവാൻ പാടില്ല. രണ്ടു വള്ളങ്ങൾ ഉപയോഗിച്ചുള്ള പെയർ ട്രോളിങ്ങും നിരോധിച്ചിട്ടുള്ളതാണ്.
കോഴിക്കോട്: കോഴിക്കോട് പാളയത്തു സി പി എം പ്രവർത്തകർ മാധ്യമ പ്രവർത്തകരുടെ ക്യാമറ തകർത്തു. ഇന്ത്യൻ എക്സ്പ്രസ്സ് ക്യാമെറാമാൻ സനീഷിന്ടെ ക്യാമെറായാണ് തകർത്തത്. കേരളഭൂഷണം ഫോട്ടോഗ്രാഫർ ശ്രീജേഷിന്റെ ക്യാമറയുടെ മെമ്മറി കാർഡും ഊരിയെടുത്തു. ഹർത്താൽ ദൃശ്യങ്ങൾ പകർത്തുന്നതിനിടെയാണ് ആക്രമണം.
ലണ്ടൻ: ബ്രിട്ടനിൽ തൂക്കുസഭ. പാർലമെൻറ് തിരഞ്ഞെടുപ്പിൽ ഭരണ കക്ഷിയായ കൺസർവറ്റിവ് പാർട്ടിക്ക് തിരിച്ചടി. സീറ്റ്‌ നില: കൺസർവറ്റിവ് പാർട്ടി:308 സീറ്റ്‌, ലേബർ പാർട്ടി:259 സീറ്റ്‌ ,എസ് എൻ പി:35 സീറ്റ്‌ ,ലിബറൽ പാർട്ടി:12 സീറ്റ്‌. കേവല ഭൂരിപക്ഷത്തിനു വേണ്ടത് 326 സീറ്റ്‌.
കൊട്ടിയൂർ വൈശാഖ മഹോത്സവത്തിലേക്കു ഭക്തജന പ്രവാഹം. ബുധനാഴ്ച അർദ്ധരാത്രി ഭണ്ഡാരങ്ങൾ അക്കരെ കൊട്ടിയൂർ സന്നിധാനത്തിൽ എത്തിച്ചതോടെ സ്ത്രീകൾ ഉൾപ്പെടെയുള്ള തീർത്ഥാടകർ കൊട്ടിയൂരിലേക്കു ഒഴുകിത്തുടങ്ങി. ആയിരക്കണക്കിന് ഭക്തർ പ്രസാദത്തിനായി മണിക്കൂറുകളോളം വരിനിന്നു. കനത്ത വെയിലിൽ വലഞ്ഞ ഭക്തർക്ക് ദേവസ്വം ഏർപ്പെടുത്തിയ കുടിവെള്ളം ഏറെ ആശ്വാസം നൽകി.
ലണ്ടൻ: ബ്രിട്ടീഷ് പാർലമെൻറ് തിരഞ്ഞെടുപ്പിലെ വോട്ടെണ്ണൽ പുരോഗമിക്കുന്നു. ആദ്യ ഫലം വരുമ്പോൾ മുഖ്യ പ്രതിപക്ഷമായ ലേബർ പാർട്ടിക്ക് മുന്നേറ്റം. 650 അംഗ പാർലമെന്റിലേക്ക് കേവല ഭൂരിപക്ഷത്തിനു 326 സീറ്റു വേണം.
കോഴിക്കോട്: കോഴിക്കോട് ജില്ലയിൽ ഇന്ന് സി പി എം ഹർത്താൽ. ഇന്ന് പുലർച്ചെ സി പി എം ജില്ലാ കമ്മിറ്റി ഓഫീസിനു നേരെ നടന്ന ബോംബേറിൽ പ്രതിഷേധിച്ചാണ് ഹർത്താൽ . ആക്രമണത്തിൽ സി പി എം ജില്ലാ സെക്രട്ടറി പി മോഹനൻ മാസ്റ്റർ രക്ഷപെട്ടത് തലനാരിഴക്ക്. ആക്രമണത്തിന് പിന്നിൽ ആർ എസ് എസ് ആണെന്ന് പി മോഹനൻ മാസ്റ്റർ. രാവിലെ 6 മുതൽ വൈകിട്ട് 6 വരെയാണ് ഹർത്താൽ
വടകര: വടകരയിൽ ആർ എസ് എസ് കാര്യാലയത്തിന് നേരെ കല്ലേറ്. സി പി എം പ്രകടനത്തിന് ശേഷമാണു കല്ലേറുണ്ടായത്. പ്രകടനത്തിന് ശേഷം സി പി എം പ്രവർത്തകരാണ് കല്ലെറിഞ്ഞത് എന്നാണ് ആക്ഷേപം .
തിരുവനന്തപുരം: ജൂലായ് ഒന്നുമുതൽ ബാറുകൾ വീണ്ടും തുറക്കുന്നു. പ്രവർത്തനസമയം രാവിലെപതിനൊന്നു മുതൽ രാത്രി പതിനൊന്നു വരെ. ടുറിസം മേഖലയിൽ രാവിലെ പത്തു മണി മുതൽ രാത്രി പതിനൊന്നു മണി വരെ. ത്രീ സ്റ്റാർ ഫോർ സ്റ്റാർ ഹോട്ടലുകൾക്കും ബാർ ലൈസൻസ്. പാതയോരത്ത് നിന്നും അഞ്ഞൂറ് മീറ്റർ അകലെ ബാറുകൾക്ക് പ്രവർത്തിക്കാം. ത്രീ സ്റ്റാറിനും അതിനു മുകളിലും ഉള്ള ബാറുകളിൽ കള്ളും വിതരണം ചെയ്യും. മദ്യമുപയോഗിക്കാനുള്ള കുറഞ്ഞ പ്രായപരിധി ഇരുപത്തി ഒന്നിൽ നിന്നും ഇരുപത്തി മൂന്നാക്കി. വാങ്ങാവുന്ന മദ്യത്തിന്റെ അളവിൽ മാറ്റമില്ല.
കണ്ണൂർ: കോഴിക്കോടൻ ബേക്കേഴ്‌സ് ഒരുക്കുന്ന ആറാമത് ഈത്തപ്പഴമേള മുതൽ കണ്ണൂർ ചേംബർ ഹാളിൽ ആരംഭിക്കുമെന്ന് ഭാരവാഹികൾ പത്ര സമ്മേളനത്തിൽ പറഞ്ഞു. വിവിധ രാജ്യങ്ങളിൽ നിന്നുള്ള അപൂർവയിനം ഈത്തപ്പഴങ്ങൾ, ഈത്തപ്പഴം കൊണ്ടുള്ള അച്ചാർ, പായസം, ഹൽവ, ബിസ്ക്കറ്റ്, കേക്ക്, ചോക്ലേറ്റ് എന്നിവയുടെ പ്രദര്ശനവും വില്പനയും നടക്കും. മേളയിൽ നിന്നുള്ള ലാഭവിഹിതം കോഴിക്കോട് മെഡിക്കൽ കോളേജിലെ സാന്ത്വന ചികിത്സ കേന്ദ്രത്തിന് നൽകുമെന്ന് ഭാരവാഹികൾ അറിയിച്ചു. ഡെപ്യൂട്ടി മേയർ പി കെ രാഗേഷ് മേള ഉത്ഘാടനം ചെയ്യും.