ന്യൂഡൽഹി:രാജ്യത്തെ ഏറ്റവും വലിയ അഴിമതിക്കാരും കൊടും കുറ്റവാളികളും കഴിയുന്ന തീഹാർ ജയിലിൽ ഇനി റിയാലിറ്റി ഷോയും നടക്കും.ഡൽഹി പ്രിസൺസും മ്യൂസിക് വൺ റിക്കോർഡ്‌സും ചേർന്നാണ് റിയാലിറ്റി പരിപാടി നടത്തുന്നത്.തീഹാർ ഐഡിയൽ എന്ന പേരിലാണ് സംഗീത റിയാലിറ്റി ഷോ സംഘടിപ്പിച്ചിരിക്കുന്നത്.വിദേശികൾ അടക്കമുള്ള തടവുപുള്ളികൾക്കും മത്സരത്തിൽ പങ്കെടുക്കുവാൻ അവസരം ഒരുക്കിയിട്ടുണ്ട്.നാളെ നടക്കുന്ന പരിപാടിയിൽ പ്രെമോയും ടൈറ്റിൽ ട്രാക്കും പുറത്തിറക്കും.മാസങ്ങൾക്കു മുൻപേ ഇതിന്റെ ചിത്രീകരണം പൂർത്തിയായതായി ഉദ്യോഗസ്ഥർ അറിയിച്ചു.തടവുപുള്ളികളാണെന്നു കരുതി കുറവുകളൊന്നും ഇല്ലാതെയാണ് പരിപാടി നടത്തിയിരിക്കുന്നത്.ഇതിനായി ഗ്രൂമിങ് അടക്കമുള്ള പരിശീലന പരിപാടികളുണ്ടായിരുന്നു.ചലച്ചിത്ര-സംഗീത മേഖലയിൽ നിന്നുള്ള പ്രമുഖരായിരുന്നു വിധികർത്താക്കൾ.
