കോട്ടയം:കോട്ടയം ഭാരത് ആശുപത്രിയില്‍ സമരത്തിനിറങ്ങിയ മുഴുവന്‍ നഴ്സുമാരെയും മാനേജ്മെന്റ് പിരിച്ച് വിട്ടു. ഹൈക്കോടതി ഇടപെട്ട് നടത്തിയ മധ്യസ്ഥ ചര്‍ച്ചയിലും പ്രശ്നം പരിഹരിക്കപ്പെട്ടില്ല. ഹൈക്കോടതി നിര്‍ദ്ദേശത്തെ തുടര്‍ന്ന് സമരം ആശുപത്രിക്ക് മുന്‍പില്‍ നിന്നും മാറ്റി.ഇതേ തുടര്‍ന്ന് കോട്ടയം നഗരമധ്യത്തിലാണ് ഇപ്പോള്‍ ഇവര്‍ സമരം നടത്തുന്നത്.കോട്ടയം ഭാരത് ആശുപത്രിയിലെ നഴ്സുമാര്‍ സമരം ആരംഭിച്ചിട്ട് 50 ദിവസം പിന്നിട്ടു.എന്നാല്‍ മാനേജ്മെന്റ് യാതൊരു വിധ ഒത്തു തീർപ്പിനും തയ്യാറാകുന്നില്ല.അടുത്ത ദിവസം തിരുവനന്തപുരത്ത് ലേബര്‍ കമ്മീഷണറുടെ നേതൃത്വത്തില്‍ ചര്‍ച്ച നടത്തുന്നുണ്ട്. ഈ ചര്‍ച്ചയിലും പ്രശ്നം പരിഹരിച്ചില്ലെങ്കില്‍ സമരം ശക്തമാക്കാാണ് യുഎന്‍എയുടെ തീരുമാനം.
