കൊയ്യോട്:ചെങ്കല്ല് കയറ്റി പോവുകയായിരുന്ന ലോറി വീട്ടിലേക്ക് മറിഞ്ഞ് വീട് തകർന്നു. കൊയ്യോട്ട് അബ്ദുല്ല പീടികയ്ക്ക് സമീപത്തെ കൊടക്കാട്ടെരിച്ചാലിൽ ശ്രീജിത്തിന്റെ വീട്ടിലേക്കാണ് ലോറി മറിഞ്ഞത്.സമീപത്തെ വീട്ടിലേക്ക് കല്ല് കയറ്റി പോവുകയായിരുന്ന ലോറി മഴകാരണം നനഞ്ഞ ചെമ്മൺ റോഡിലൂടെ പോകുമ്പോൾ ഒരുവശം ഇടിഞ്ഞ് രണ്ടുമീറ്റർ താഴെയുള്ള വീട്ടിലേക്ക് മറിയുകയായിരുന്നു.വീടിന്റെ കിടപ്പുമുറിയുടെ ചുമരിലേക്കാണ് മറിഞ്ഞത്.ഇതോടെ ചുമർ തകർന്ന് ജനാലയും കല്ലുകളും അകത്തേക്ക് വീണു.ശ്രീജിത്തിന്റെ മകൻ അഭിനന്ദ് അപകടസമയത്ത് മുറിക്കുള്ളിലുണ്ടായിരുന്നെങ്കിലും ശബ്ദം കേട്ട് ഓടിയതിനാൽ അപകടത്തിൽ നിന്നും രക്ഷപ്പെട്ടു. വീടിന്റെ കിടപ്പു മുറിയും കക്കൂസും പൂർണ്ണമായും തകർന്നു.മറിഞ്ഞ ലോറിയിൽ ഡ്രൈവറുണ്ടായിരുന്നെങ്കിലും അത്ഭുതകരമായി രക്ഷപ്പെട്ടു.
