ന്യൂഡൽഹി:വിമർശനങ്ങൾക്ക് നടുവിൽ ചരക്കുസേവന നികുതിയിൽ മാറ്റങ്ങൾ വരുത്തി ജി എസ് ടി കൗൺസിൽ.117 ഇനങ്ങളുടെ ചരക്കു സേവന നികുതി (ജിഎസ്ടി) 28 ശതമാനത്തിൽനിന്നു 18 ശതമാനമായി കുറച്ചു. ഇന്നു ചേർന്ന ജിഎസ്ടി കൗണ്‍സിലിലാണ് ഇതുസംബന്ധിച്ച തീരുമാനം കൈക്കൊണ്ടത്. ചോക്കലേറ്റ്,ച്യുയിങ്ങ്ഗം,സോപ്പുപൊടി,ആഫ്റ്റർഷെവ് ലോഷൻ,മാർബിൾ, ഷേവിങ്ങ് സ്പ്രേകൾ,ഗ്രാനൈറ്റ്,മേക്കപ്പ് സാധനങ്ങൾ,ഷാംപൂ എന്നിവയ്ക്കാണ് പ്രധാനമായും വിലകുറയുക.പുകയില ഉത്പന്നങ്ങൾ, സിഗരറ്റ്, കോളകൾ, വാഷിംഗ് മെഷീൻ, റഫ്രിജറേറ്റർ, എയർകണ്ടീഷണർ, പെയിന്‍റ്, സിമന്‍റ് എന്നിവയുടെ നികുതിയിൽ മാറ്റമില്ല. ഇവയെ 28 ശതമാനം ജിഎസ്ടിയിൽ തന്നെ നിലനിർത്തി.50 ഉൽപ്പന്നങ്ങൾക്ക് മാത്രം ഇനി ഉയർന്ന നികുതി നൽകിയാൽ മതിയാകും.റിട്ടേണ്‍ ഫയലിംഗ് വൈകിയാലുള്ള പിഴ ദിവസം 200 രൂപയിൽനിന്നു 50 രൂപയായും കുറച്ചു.
