കണ്ണൂർ:പയ്യാമ്പലം ബീച്ചിൽ ഡിടിപിസി നിർമിക്കുന്ന നടപ്പാതയുടെ നിർമാണം ആരംഭിച്ചു. മൂന്നരക്കോടി രൂപയാണ് പദ്ധതിയുടെ നിർമാണ ചിലവ്.പയ്യാമ്പലം ബീച്ചിലെത്തുന്നവരെയും രാവിലെയും വൈകുന്നേരവും ഇവിടെ നടക്കാനെത്തുന്നവരെയും മുന്നിൽക്കണ്ടാണ് നടപ്പാത നിർമാണം തുടങ്ങുന്നത്.ഒരു കിലോമീറ്ററാണ് പാതയുടെ നീളം.ഇതിൽ ഓരോ നൂറു മീറ്റർ ഇടവിട്ട് സഞ്ചാരികൾക്ക് വിശ്രമിക്കാനായുള്ള സൗകര്യവും ഏർപ്പെടുത്തും.ഇത്തരത്തിലുള്ള 11 വിശ്രമ കേന്ദ്രങ്ങളാണ് ഒരുക്കുക.പാതയ്ക്കരികിലായി സൗരോർജ വിളക്കുകൾ,കഫേകൾ,ഇരിപ്പിട സൗകര്യം,ശൗചാലയങ്ങൾ എന്നിവയും നിർമിക്കും.പദ്ധതി അടുത്ത വർഷം ഫെബ്രുവരിയോടുകൂടി പൂത്തിയാക്കാനാണ് ലക്ഷ്യമിടുന്നത്.
