തിരുവനന്തപുരം: ആശങ്ക വർധിപ്പിച്ച് തിരുവനന്തപുരത്ത് മത്സ്യബന്ധനബോട്ട് കരയ്ക്കടിഞ്ഞു. വേളി സെയിന്റ് ആൻഡ്രുസ് പള്ളിക്ക് സമീപമാണ് ബോട്ട് കരയ്ക്കടിഞ്ഞത്. ബോട്ടിലുണ്ടായിരുന്നവരെ കുറിച്ച് വിവരങ്ങൾ ലഭ്യമല്ല.അതേസമയം കടലിൽ കാണാതായ 33 മത്സ്യത്തൊഴിലാളികൾ തിരിച്ചെത്തിയതായി മന്ത്രി മേഴ്സിക്കുട്ടിയമ്മ അറിയിച്ചു. മത്സ്യബന്ധനത്തിനു പോയ എഴുപതോളം പേരുമായി രക്ഷാപ്രവർത്തകർ ബന്ധപ്പെട്ടെന്നും മന്ത്രി അറിയിച്ചു. കാണാതായവർക്കു വേണ്ടിയുള്ള തെരച്ചിൽ പുരോഗമിക്കുകയാണെന്നും മന്ത്രി പറഞ്ഞു.ഇവരെ രക്ഷിക്കുന്നതിനായി കോസ്റ്റ് ഗാർഡും നേവിയുടെ കപ്പലുകളും തിരിച്ചതായും അധികൃതർ അറിയിച്ചു. വ്യോമസേനയും നാവികസേനയും തെരച്ചിലിന് ഇറങ്ങിയെങ്കിലും മോശം കാലാവസ്ഥ പ്രതിസന്ധി സൃഷ്ടിക്കുകയാണ്.
