ആലുവ:ആലുവ മുട്ടത്ത് കാർ മെട്രോയുടെ തൂണിലിടിച്ചു മറിഞ്ഞ് അച്ഛനും മകനും അടക്കം മൂന്നുപേർ മരിച്ചു.കോട്ടയം കുമരനെല്ലൂർ സ്വദേശികളായ ടി.ടി രാജേന്ദ്രപ്രസാദ്,മകൻ ടി.ആർ അരുൺ പ്രസാദ്,മകളുടെ ഭർതൃപിതാവ് ചന്ദ്രൻ നായർ എന്നിവരാണ് മരിച്ചത്.ചന്ദ്രൻ നായരുടെ മകനെ നെടുമ്പാശ്ശേരി വിമാനത്താവളത്തിൽ കൊണ്ടുവിട്ട് മടങ്ങുബോഴായിരുന്നു അപകടം. കൊച്ചി മെട്രോയുടെ തൂണിലിടിച്ച കാർ ഡിവൈഡറിൽ കയറി മറിയുകയായിരുന്നു. രാജേന്ദ്രപ്രസാദ് സംഭവ സ്ഥലത്തുവെച്ചും മറ്റു രണ്ടുപേർ ആശുപത്രിയിലുമാണ് മരിച്ചത്.കാർ ഓടിച്ചിരുന്ന അരുൺ പ്രസാദ് ഉറങ്ങിപോയതാണ് അപകടകാരണമെന്നാണ് പോലീസിന്റെ പ്രാഥമിക നിഗമനം.
