അഴീക്കോട്:അഴീക്കോട് സിപിഎം പ്രവർത്തകരുടെ വീടിനു നേരെ ആക്രമണം.മൂന്നുനിരത്ത് കള്ളുഷാപ്പിന് സമീപം ഒ.സജിത്ത്,കപ്പക്കടവിലെ പി.പി ഹരിദാസ്,കരിക്കൻ സുനി,സഹോദരൻ ഷാജി എന്നിവരുടെ വീടുകൾക്ക് നേരെയാണ് ആക്രമണം ഉണ്ടായത്.സജിത്തിന്റെ വീട്ടുമുറ്റത്തു നിർത്തിയിട്ടിരുന്ന ഓട്ടോയുടെയും കാറിന്റെയും ചില്ലുകൾ തകർന്നു.മറ്റുള്ളവരുടെ വീടിന്റെ ജനൽച്ചില്ലുകളാണ് തകർന്നത്.എസ്‌ഡിപിഐ പ്രവർത്തകരാണ് അക്രമങ്ങൾക്ക് പിന്നിലെന്ന് സിപിഎം ആരോപിച്ചു. കുറച്ചു ദിവസങ്ങളായി ഈ പ്രദേശത്ത് സിപിഎം-എസ്‌ഡിപിഐ സംഘർഷം നിലനിൽക്കുകയാണ്.വളപട്ടണം പോലീസ് കേസെടുത്ത് അന്വേഷണം ആരംഭിച്ചു.
