മലപ്പുറം:നിലമ്പൂർ വഴിക്കടവിനടുത്ത് ബസ് കാത്തുനിന്ന വിദ്യാർത്ഥികൾക്കിടയിലേക്ക് ലോറി പാഞ്ഞുകയറി രണ്ടു കുട്ടികൾ മരിക്കാൻ ഇടയായ സംഭവത്തിൽ അപകട കാരണം ലോറി ഡ്രൈവർക്ക് പക്ഷാഘാതമുണ്ടായതാണെന്ന് റിപ്പോർട്ട്.ശരീരത്തിന്റെ ഒരുഭാഗം തളർന്ന ഡ്രൈവർ മുസ്തഫയെ(64) നിലമ്പൂർ താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്. അപകടം നടക്കുന്നതിനു മുൻപ് ഡ്രൈവർക്ക് പക്ഷാഘാതം സംഭവിച്ചിരുന്നുവെന്നാണ് ഡോക്റ്റർമാർ നൽകുന്ന വിവരം.മണിമൂളിയിൽ ഇന്ന് രാവിലെ 9.30 ഓടെയാണ് അപകടം നടന്നത്.നിയന്ത്രണംവിട്ട ലോറി സ്കൂട്ടർ,ബസ്,ഓട്ടോറിക്ഷ എന്നിവയിൽ ഇടിച്ച ശേഷം ബസ് കാത്തുനിൽക്കുകയായിരുന്ന വിദ്യാർഥികൾ അടക്കമുള്ളവരുടെ മേൽ പാഞ്ഞു കയറുകയായിരുന്നു.
