കണ്ണൂർ:പഴയങ്ങാടിയില്‍ പോലീസിനെ അപായപ്പെടുത്താന്‍ മണല്‍മാഫിയ സംഘത്തിന്‍റെ ശ്രമം.എരിപുരം ഗ്യാസ് ഗോഡൗണിന് സമീപം വച്ചാണ് അനധികൃതമായി മണല്‍ കടത്തുകയായിരുന്ന ലോറി രാത്രികാല പട്രോളിംഗിനിറങ്ങിയ പഴയങ്ങാടി എസ്‌ഐ കെ.ഷാജുവിന്റെയും സംഘത്തിന്റെയും ശ്രദ്ധയിൽപ്പെട്ടത്.പോലീസ് കൈ കാണിച്ചിട്ടും നിര്‍ത്താതെ പോയ ലോറിയെ പോലീസ് പിന്തുടര്‍ന്നു. ഇതിനിടയില്‍ ലോറിയിലുണ്ടായിരുന്ന മണല്‍ പോലീസ് ജീപ്പിന്‍റെ മുന്നിലേക്ക് തട്ടുകയായിരുന്നു. തലനാരിഴയ്ക്കാണ് പോലീസ് ജീപ്പ് അപകടത്തിൽ നിന്നും രക്ഷപ്പെട്ടത്.ലോറി സമീപത്തെ വീട്ടുമതിലില്‍ ഇടിക്കുകയും ചെയ്തു.എന്നാല്‍, നിമിഷങ്ങള്‍ക്കുള്ളില്‍ ലോറിയുമായി മണല്‍മാഫിയസംഘം കടന്നുകളയുകയും ചെയ്തു.പഴയങ്ങാടി പോലീസ് സ്റ്റേഷന്‍ പരിധിയില്‍ മണല്‍കടത്ത് സംഘങ്ങള്‍ വ്യാപകമാണ്. തുടര്‍ന്നാണ് രാത്രികാല പട്രോളിംഗ് ശക്തമാക്കിയത്.സംഘത്തില്‍ ക്രൈം എസ്‌ഐ കെ.മുരളി,സിപിഒ.സിദിഖ് തുടങ്ങിയവരും സംഘത്തിലുണ്ടായിരുന്നു.