തിരുവനന്തപുരം:എ ഡി ജി പിയുടെ മകൾ മർദിച്ച കേസിൽ ഒത്തുതീർപ്പിനു വഴങ്ങാതെ നിയമ നടപടികളുമായി മുന്നോട്ട് പോകുമെന്ന് മർദനമേറ്റ പോലീസുകാരൻ ഗവാസ്ക്കർ.സംഭവം ഒതുക്കിത്തീര്ക്കാന് ഐ.പി.എസ്. തലത്തില് ശ്രമം നടക്കുന്നതായി പലരും പറയുന്നുണ്ട്. സമ്മര്ദം ചെലുത്തി പിന്തിരിപ്പിക്കാമെന്ന് ആരും കരുതേണ്ട. ഐ.പി.എസ്. ഉദ്യോഗസ്ഥരാരും ഇക്കാര്യത്തിനായി ബന്ധപ്പെട്ടിട്ടില്ല. എത്ര വലിയ സമ്മര്ദമുണ്ടായാലും നീതികിട്ടും വരെ പിന്നോട്ടില്ലെന്നും ഗവാസ്കര് വ്യക്തമാക്കി.മകൾ തന്നെ ആക്രമിച്ചത് എ ഡി ജി പിയുടെ അറിവോടെയാണെന്ന് സംശയമുള്ളതായും ഗവാസ്ക്കർ പറഞ്ഞു.സംഭവം നടന്നതിന്റെ തലേദിവസം കാറിൽ വെച്ച് മകൾ തന്നെ അസഭ്യം പറഞ്ഞകാര്യം എ ഡി ജി പിയോട് പറഞ്ഞിരുന്നു.തന്നെ ഡ്രൈവർ ജോലിയിൽ നിന്നും മാറ്റിതരണം എന്നും പേരാണ്.ഇതൊക്കെ അനിഷ്ടത്തിന് കാരണമായിരിക്കാം എന്നും ഗവാസ്ക്കർ വ്യക്തമാക്കി.മകളെ കായിക പരിശീലനത്തിന് കൊണ്ടു പോകുമ്പോൾ സാധാരണ നിലയിൽ എ.ഡി.ജി.പി.യോ അദ്ദേഹത്തിന്റെ ഗണ്മാനോ ഒപ്പമുണ്ടാകാറുണ്ട്.എന്നാൽ സംഭവ ദിവസം എ.ഡി.ജി.പി. വന്നില്ല. ഗണ്മാനെ ഒഴിവാക്കാനും നിര്ദേശിച്ചു.എ.ഡി.ജി.പി.യുടെ വാഹനമൊഴിവാക്കി പൊലീസിന്റെ തന്നെ മറ്റൊരു വാഹനത്തില് പോകാന് നിര്ദേശിച്ചു.അതില് പൊലീസിന്റെ ബോര്ഡുണ്ടായിരുന്നില്ല.ഇതെല്ലാം സംശയത്തിന് ഇടനല്കുന്നതാണ്. എ.ഡി.ജി.പിയുടെ മകള്ക്ക് കായിക പരിശീലനം നല്കുന്നത് പൊലീസിലെ വനിതാ പരിശീലകയാണ്. ഇത് നിയമവിരുദ്ധമാണ്. കനകക്കുന്നില് എത്തിയ പരിശീലകയോട് സംസാരിച്ചെന്ന് ആരോപിച്ചാണ് തന്റെ ചീത്തവിളിക്കുകയും മര്ദിക്കുകയും ചെയ്തത്. എ.ഡി.ജി.പിയുടെ മകള് മറ്റൊരു പൊലീസ് ഡ്രൈവറെ മുമ്ബും മര്ദിച്ചിട്ടുണ്ടെന്നും സാക്ഷി പറയാന് അദ്ദേഹം തയാറാണെന്നും ഗവാസ്ക്കർ പറഞ്ഞു.