കണ്ണൂർ:കണ്ണൂർ ഡിസിസി ഓഫീസിനു നേരെ അജ്ഞാത സംഘത്തിന്റെ ആക്രമണം.ഇന്ന് പുലർച്ചെയാണ് ആക്രമണമുണ്ടായത്.ഓഫീസിനു മുൻപിലെ ബോർഡുകൾ,കസേരകൾ,അലമാര എന്നിവ അടിച്ചു തകർത്തിട്ടുണ്ട്.കണ്ണൂർ തെക്കി ബസാറിൽ ആനക്കുളത്തിനു സമീപമാണ് ഡിസിസി ഓഫീസിൽ സ്ഥിതി ചെയ്യുന്നത്.പുലർച്ചെ ശബ്ദം കേട്ടെത്തിയ അയൽവാസികളാണ് സംഭവം ആദ്യം അറിയുന്നത്.അയല്പക്കത്തെ വീടുകളിൽ ലൈറ്റിട്ടതോടെ അക്രമികൾ രക്ഷപ്പെടുകയായിരുന്നു.ബൈക്കിന്റെ ശബ്ദം കേട്ടതായി അയൽവാസികൾ പറഞ്ഞു.കസേരകളും മേശകളും അടിച്ചു തകർത്തതിന് പുറമെ മറ്റു ഫർണിച്ചറുകൾ വഴിയിലേക്ക് വലിച്ചെറിയുകയും ചെയ്തിട്ടുണ്ട്.സംഭവത്തിൽ കോൺഗ്രസ് നേതാക്കളുടെ പരാതിയിൽ പോലീസ് കേസെടുത്തിട്ടുണ്ട്.